პოლიტიკა
გამგებლებისა და მერობის კანდიდატების წარდგენა სამეგრელოში და შავი ქამარი კარატეში
საქართველო, 19 მაისი, საქინფორმი. პრემიერ-მინისტრი ირაკლი ღარიბაშვილი გუშინ ზუგდიდს სტუმრობდა. მან სამეგრელოს მოსახლეობას “ქართული ოცნების“ გამგებლების კანდიდატები, ასევე ფოთისა და ზუგდიდის მერობის კანდიდატები თავად წარუდგინა:
ზუგდიდის მუნიციპალიტეტი - ედიშერ თოლორაია;აბაშა - მამუკა კვიტაშვილი;
სენაკი - გოჩა დგებუაძე;
მარტვილი - ალექსანდრე გრიგალავა;
ხობი - გოჩა ქაჯაია;
წალენჯიხა - გოგა გულორდავა;
ჩხოროწყუ - დავით გოგუა;
მესტია - კაპიტონ ჟორჟოლიანი;
კოალიციის ლიდერმა ქალაქ ფოთის მერობის კანდიდატად ირაკლი კაკულია, ხოლო ზუგდიდის მერობის კანდიდატად ირაკლი გოგოხია დაასახელა. კოალიცია "ქართული ოცნების" მიერ ზუგდიდში გამართული წინასაარჩევნო შეხვედრის დასრულების შემდეგ, საქართველოს პრემიერ-მინისტრ ირაკლი ღარიბაშვილს საქართველოს კარატეს ეროვნული ფედერაციის ხელმძღვანელმა კახა ბასილიამ, მსოფლიო კარატეს ფედერაციის გადაწყვეტილებით, მესამე დანის დამადასტურებელი საპატიო შავი ქამარი გადასცა.
ვიდრე შეხვედრის ადგილს დატოვებდა, ირაკლი ღარიბაშვილი ადგილობრივ მოსახლეობასაც გაესაუბრა.
