პოლიტიკა
ირაკლი ღარიბაშვილი: „მინდა მივმართო ყველა პოლიტიკურ ძალას, მაქსიმალურად თავი შეიკავონ და არ შემოიტანონ რაიმე სახის არეულობა საარჩევნო კამპანიის დროს!”
საქართველო, 6 ივნისი, საქართველო. საქართველოს პრემიერ-მინისტრი მარნეულის საოლქო საარჩევნო კომისიაში გუშინ განვითრებულ მოვლენებს გამოეხმაურა: “მინდა გამოვეხმაურო მარნეულის საოლქო საარჩევნო კომისიის თავმჯდომარეზე განხორციელებულ პირდაპირ ზეწოლას და საოლქო კომისიის შენობის შტურმით აღების მცდელობას. ეს ფაქტი ჩვენს ქვეყანაში ჩვენი ხელისუფლების პირობებში დაუშვებელია. ასეთი რამ შეიძლება ხდებოდა ყოფილი ხელისუფლების დროს, ყოფილი ხელისუფლების მიერ, მაგრამ ჩვენ ამას არ დავუშვებთ“.
ირაკლი ღარიბაშვილის შეფასებით, თუნდაც ის ფაქტი, რომ ეს ყველაფერი ევროკავშირთან ასოცირების ხელშეკრულების ხელმოწერამდე რამდენიმე კვირით ადრე ხდება, „ნაციონალური მოძრაობის“ მხრიდან ხელოვნური პროვოკაციის მოწყობის მცდელობაზე მიუთითებს.
„მინდა მივმართო ყველა პოლიტიკურ ძალას, მაქსიმალურად თავი შეიკავონ და არ შემოიტანონ რაიმე სახის არეულობა საარჩევნო კამპანიის დროს. ეს არის ძალიან პრინციპული საქმე ჩვენი სახელმწიფოსთვის. ეს არ ეხება რომელიმე პოლიტიკურ ძალას, ეს ეხება ჩვენი ქვეყნის წინსვლას და განვითარებას“, - აღნიშნა პრემიერმა.
