პოლიტიკა
საარჩევნო ბლოკი „ქართული ოცნება“ ემიჯნება და გმობს არჩევნებში მონაწილე პოლიტიკური პარტიების მხარდამჭერებს შორის ბოლო დღეებში რეგიონებში მომხდარ ინციდენტებს
საქართველო, 11 ივნისი, საქინფორმი. კოალიცია „ქართული ოცნება“, როგორც ქვეყნის მმართველი ძალა, დაინტერესებულია 2014 წლის ადგილობრივი თვითმმართველობის არჩევნების, მშვიდ, დემოკრატიულ გარემოში ჩატარებით.
ამის მიუხედავად, „ნაციონალური მოძრაობის“ ლიდერები შეიჭრნენ მარნეულის საარჩევნო ოლქის თავმჯდომარის სამუშაო ოთახში და მასზე ზეწოლა მოახდინეს.
სამწუხაროდ, გარკვეული პოლიტიკური ძალები ცდილობენ წინასაარჩევნო გარემოს გამწვავებას, რასაც, დარწმუნებულები ვართ, შესაბამისი უწყებები არ დაუშვებენ და ყოველ კონკრეტულ ფაქტს შეისწავლიან და მოახდენენ სათანადო რეაგირებას.
„ქართული ოცნება“ მოუწოდებს ყველა პოლიტიკურ ძალას და მათ მხარდამჭერებს, გამოიჩინონ კეთილგონიერება, თავი შეიკავონ პროვოკაციული ქმედებებისგან და ხელი შეუწყონ მოქალაქეების მიერ არჩევანის მშვიდ გარემოში გაკეთებას.
