აქტუალური
გორში V ქვეითი ბრიგადის სამწყობრო მოედანზე ქართველი სამხედრო მოსამსახურეების გაცილების ცერემონიალი გაიმართა
საქართველო, 17 სექტემბერი, საქინფორმი. საქართველოს შეიარაღებული ძალების V ქვეითი ბრიგადის 51-ე ბატალიონის სამხედროები უკვე მზად არიან ავღანეთში ISAF-ის მისიის შესასრულებლად.
საზეიმო ცერემონიალს თავდაცვის მინისტრი ირაკლი ალასანია, გენერალური შტაბის უფროსი გენერალ-მაიორი ვახტანგ კაპანაძე და საქართველოს შეიარაღებული ძალების ხელმძღვანელი პირები დაესწრნენ.
„ჩვენი მე-5 ბრიგადის 51-ე ბატალიონი მოემზადა უკვე წასასვლელად და მისიის გასაგრძელებლად ავღანეთში. მე ვიცი, რომ საბრძოლო მზადყოფნა არის ძალიან მაღალი, მათ აქვთ აბსოლუტურად ყველა ცოდნა იმისთვის, რომ წარმატებულად განახორციელონ მისია“, - განაცხადა ირაკლი ალასანიამ.
ქართველი სამშვიდობოები მამა გიორგიმ დალოცა და ავღანეთში საერთაშორისო ოპერაციის წარმატებით განხორციელება უსურვა. კაპელანი ქართველ სამშვიდობოებს ავღანეთშიც მიყვება.
51-ე ბატალიონი ავღანეთში პირველად მიემგზავრება და საერთაშორისო მისიას ბაზა „ბაგრამზე“ განახორციელებს.
