აქტუალური
ქართული ოცეული სწავლებაში „Rapid Trident 2014“ ჩაერთო, სადაც სამხრეთ-აღმოსავლეთ უკრაინის სახალხო მოლაშქრეთა წინააღმდეგ ერთობლივ მოქმედებებს შეიმუშავებენ
საქართველო, 19 სექტემბერი, საქინფორმი. უკრაინაში, იავორივის საერთაშორისო სამშვიდობო და უსაფრთხოების ცენტრში ბატალიონის დონის მრავალეროვნული საველე სწავლება „Rapid Trident 2014“ მიმდინარეობს. წვრთნაში საქართველოს შეიარაღებული ძალების I ქვეითი ბრიგადის ოცეული მონაწილეობს.
საერთაშორისო საველე სწავლების მიზანი NATO-ს წევრი და „პარტნიორობა მშვიდობისათვის“ (PFP) ფორმატში მონაწილე ქვეყნების ურთიერთთავსებადობის ამაღლებაა. სწავლების სცენარის მიხედვით, მრავალეროვნულ ბრიგადას უკანონო შეიარაღებული ფორმირებების წინააღმდეგ ერთობლივი ძალებით უწევს მოქმედება.
სწავლება აშშ-ის ევროპული სარდლობის ორგანიზებით იმართება. წვრთნაში 15 ქვეყნის ქართველი, ამერიკელი, უკრაინელი, აზერბაიჯანელი, ბრიტანელი, გერმანელი, ლატვიელი, ლიტველი, მოლდოველი, ნორვეგიელი, პოლონელი, ბულგარელი, კანადელი, რუმინელი და ესპანელი 1300-მდე სამხედრო მოსამსახურეა ჩართული. მრავალეროვნული საერთაშორისო საველე სწავლება „Rapid Trident 2014“ 26 სექტემბერს დასრულდება.
