საქართველო, 26 სექტემბერი, საქინფორმი. 2014 წლის 6-7 ოქტომბერს, ჟენევაში, გაიმართება მოლაპარაკებების მორიგი რაუნდი კავკასიაში სტაბილურობისა და უსაფრთხოების შესახებ. შეგახსენებთ, რომ ამ მოლაპარაკებებში, რომლებიც 2008 წლის აგვისტოში რუსეთ-საქართველოს ომის შემდეგ დაიწყო, მონაწილეობდნენ დელეგაციები საქართველოდან, რუსეთიდან, აფხაზეთსა და ცხინვალის რეგიონიდან, ასევე, გაეროს, ევროკავშირის, ეუთოსა და აშშ-ის წარმომადგენლები. მიუხედავად იმისა, რომ 2008 წლიდან მხარეებს შორის უკვე შედგა 28 შეხვედრა, არსებითი ცვლილებები ამ მოლაპარაკებებს არ მოუტანია.

მკითხველებს შევახსენებთ, რომ მოსახლეობის 1989 წლის აღრიცხვის მიხედვით აფხაზეთში 48% ქართველი და 17% აფხაზი ცხოვრობდა. დღეს, ოფიციალური მონაცემების მიხედვით, აფხაზეთში მცხოვრები ქართველების რიცხვი 19.26%-მდე შემცირდა, მოსახლეობის ეთნიკური აფხაზების წილი კი 50.71%-მდე გაიზარდა.

ამავდროულად თბილისი იჟინებს, რომტერიტორიული მთლიანობის პრობლემა მხოლოდ და მხოლოდ მოცემულ ფორმატში, საერთაშორისო წარმომადგენლების მონაწილეობით უნდა განიხილებოდეს. მთიანობაში, ჟენევის დისკუსიის ყველა მონაწილე მხარე დეკლალირებულად უჭერს მხარს მათ გაგრძელებას, თუმცა სოხუმი და ცხინვალი ამ მოლაპარაკებების ფორმატის შეცვლის აუცილებლობის შესახებ აცხადებენ. კერძოდ, აფხაზეთის დელეგაცია მოითხოვს განხილვის დღის წესრიგიდან ამოიღონ ქართველი ლტოლვილების თავის სახლებში დაბრუნების საკითხის განხილვა, რომლსაც ქართული მხარე მოითხოვს და რომელიც 2008 წლის „ცეცხლის შეწყვეტის შესახებ შეთანხმებით“ არის გათვალისწინებული.