უცხოეთი
ევრომაიდანის წლისთავზე ბაიდენი კიევის მხარდასაჭერად ჩავიდა
საქართველო, 21 ნოემბერი, საქინფორმი. კიევშიმიმდინარეობს აშშ-ის ვიცე-პრეზიდენტი ჯო ბაიდენის მოლაპარაკებები უკრაინის პრეზიდენტ პეტრო პოროშენკოსა და პრემიერ-მინისტრ არსენი იაცენიუკთან. სავარაუდოდ, განცხადებები გაკეთდება უკრაინისთვის ამერიკის სამხედრო დახმარების გაზრდის შესახებ.
აშშ-ის სახდეპის წარმომადგენელი ჯეფ რატკეს განცხადებით, აშშ „ეძებს ყველაზე ეფექტიან საშუალებებს უკრაინის დასახმარებლად“ და „გამორიცხული არ არის არანაირი ვარიანტი“, ლეტალური იარაღის მიწოდების ჩათვლით.
უწინ ასეთივე განცხადება გააკეთა ნაციონალური უსაფრთხოების საკითხებში აშშ-ის პრეზიდენტის თანაშემწის მოადგილე ენტონი ბლინკენმა, რაზეც მოსკოვმა მკვეთრი რეაგირება მოახდინა.
წლეულს ჯო ბაიდენის მესამე ვიზიტი უკრაინაში ევრომაიდანის წლისთავს ემთხვევა. ვიზიტის დაწყებამდე ბაიდენმა კიევის გაზეთ „დენ“-ს განუცხადა, რომ უკრაინას, მისი აზრით, სრული უფლება აქვს, თავი დაიცვას რუსეთის აგრესიისგან.
