პოლიტიკა
აშშ-მა უკრაინას, მოლდოვას და საქართველოს სამხედრო მოკავშირის სტატუსზე უარი უთხრა
საქართველო, 17 დეკემბერი, საქინფორმი. აშშ-ის სენატმა "უკრაინის მხარდამჭერი აქტი - 2014" კანონპროექტის განხილვისას მისი ტექსტიდან ამოიღო საკვანძო პუნქტი, რომელიც საქართველოსთვის, მოლდოვასა და უკრაინისთვის ნატო-ს წევრობის გარეშე აშშ-ის მთავარი მოკავშირის სტატუსის მინიჭებას ითვალისწინებდა. ამის შესახებ რადიოსადგურ Europa Libera-ს აშშ-ში მოლდოვას ელჩმა იგორ მუნტიანუმ აცნობა.
მისი თქმით, უსაფრთხოება რეგიონში კვლავაც აშშ-ის ყურადღების ცენტრში დარჩება, თუმცა „სენატში მიღებული კანონი მოლდოვასთვის ნატოს წევრობის გარეშე აშშ-ის მოკავშირის სტატუსს არ ითვალისწინებს“.
მოლდოველი დიპლომატის ნათქვამს ადასტურებს სენატის მიერ მიღებული დოკუმენტის ტექსტი, რომელიც აშშ-ის კონგრესის ოფიციალურ საიტზეა განტავსებული. ძალაში შესასვლელადა, შშ-ის წარმომადგენელთა პალატაში კენჭისყრის პროცედურის შემდეგ, ის დასამტკიცებლად სენატს უნდა დაუბრუნდეს, რის შემდეგაც ხელმოსაწერად პრეზიდენტ ბარაქ ობამას გადაეგზავნება.
