უცხოეთი
აშშ-ს, რფ-თან კონფლიქტის შემთხვევისთვის, ევროპაში გასაგზავნად დამატებითი ძალების მომზადება სურს
საქართველო, 14 ივლისი, საქინფორმი. აშშ-ის სახმელეთო ჯარების შტაბის უფროსს, გენერალ რაიმონდ ოდიერნოს განზრახული აქვს, მნიშნელოვნად გააფართოოს ამერიკული ძალების რიცხოვნობა, რომლებსაც, რფ-თან კონფლიქტის შემთხვევაში, ევროპაშ გადაისვრიან, ასევე, აუცილებლობად მიიჩნევს გერმანიაში, მოტოქვეითი ბრიგადის აღსაჭურვად საკმარისი მოცულობით მძიმე სამხედრო ტექნიკის განთავსებას. ამის შესახებ მან გაზეთ The Wall Street Journal-თან ინტერვიუში განაცხადა.
„ეს საშუალებას მოგვცემდა, სწრაფად გაგვეძლიერებინა ნატო, თუკი ამის აუცილებლობა შეიქმნებოდა“, - განაცხადა მან. „ვიმედოვნებთ, რომ რუსები კრიზისს არ შექმნიან, თუმცა მუდამ მზად უნდა ვიყოთ, - აღნიშნა მან, - უნდა გადავწყვიტოთ, როგორ გავაძლიეროთ მოწინავე ძალები“.
სარდალმა ასევე განაცხადა განზრახვის შესახებ, მოამზადონ კოლორადოს შტატში განთავსებული მე-4 ქვეითი დივიზია ევროპაში გასაგზავნად. როგორც სტატიაშია აღნიშნული, „ოდიერნომ ასევე თქვა, რომ აშშ-ის სახმელეთო ჯარებს მეტის გაკეთება შეუძლიათ, რათა დაეხმარონ კიევს უკრაინაში რუსეთის მოქმედებებისგან დასაცავად. „უკრაინული ძალების დამატებით წვრთნას შეუძლია მოსკოვის შეკავება რაიმე საიერიშო ოპერაციისგან“, - იუწყება გამოცემა. „ეს შეაკავებდა კონფლიქტის ნებისმიერ შესაძლო ესკალაციას მომავალში“, - აღნიშნა ოდიერნომ.
