შს მინისტრის მოადგილე არჩილ თალაკვაძე სახელმწიფო ანტინარკოტიკული და სამართალდამცავ ორგანოებთან ურთიერთობების საერთაშორისო ბიუროს (INL) წარმომადგენლებს შეხვდა
საქართველო, 29 ივლისი,
საქინფორმი. შსს-ში სახელმწიფო ანტინარკოტიკული და სამართალდამცავ ორგანოებთან ურთიერთობების საერთაშორისო ბიუროს (
INL) ევროპისა და აზიის ოფისის საგარეო ურთიერთობათა ოფიცერ
ჯანელ კუროდას და შს მინისტრის მოადგილე
არჩილ თალაკვაძეს შორის შეხვედრა გაიმართა, რომელსაც ასევე ესწრებოდნენ სამინისტროს საერთაშორისო ურთიერთობების დეპარტამენტის დირექტორის მოადგილე და „
INL“–ის თბილისის ოფისის ხელმძღვანელი პირები.
შეხვედრაზე მხარებმა მიმდინარე და განხორციელებული პროექტები განიხილეს და თანამშრომლობის სამომავლო გეგმები დასახეს.
შსს აშშ-ს სახელმწიფო ანტინარკოტიკული და სამართალდამცავ ორგანოებთან ურთიერთობების საერთაშორისო ბიუროსთან უკვე მრავალი წელია ნაყოფიერად თანამშრომლობს, რის ფარგლებშიც განხორციელდა მნიშვნელოვანი პროექტები ისეთ საკითხებზე, როგორიცაა: ტრეფიკინგის წინააღმდეგ ბრძოლა, ოჯახში ძალადობა, ნარკოტიკების წინააღმდეგ ბრძოლა, კინოლოგიური დანაყოფის განვითარება და სხვა.