უცხოეთი
„ბესარაბია არ ენდობა სააკაშვილს“ - აქციის: „შორს პოროშენკო!“ „სააკაშვილო, კმარა ტყუილები!“ - ორგანიზატორობა „ბესარაბიის სახალხო რადამ“ იტვირთა
საქართველო, 31 ივლისი, საქინფორმი. ოდესის ოლქის კომინტერნის რაიონის აქტივისტებმა გამართეს სახალხო ვეჩე, რომლის მიმდინარეობისასაც უნდობლობა გამოუცხადეს ადგილობრივსა და კიევის ხელისუფლებას. ადგილობრივი ორგანიზაციების წარმომადგენლები ვეჩეზე მივიდნენ პლაკატებით: „შორს პოროშენკო!“, „სააკაშვილო, კმარა ტყუილები!", „ჩვენ თავისუფალი ბესარაბიის მომხრე ვართ!“.
„ბესარაბია არ ენდობა სააკაშვილს, ბესარაბია არ ენდობა პოროშენკოს. ამიტომ ჩვენ ავირჩიეთ დამცველი, ბესარაბიის კომენდანტი. ის ჩვენს ინტერესებს დაიცავს ჩინოვნიკთა კაბინეტებში“, - განაცხადა „ბესარაბიის სახალხო რადის“ ხელმძღვანელმა ვერა შევჩენკომ.
იმავე დღეს „ოდესის თავდაცვის“ აქტივისტებმა ნაგვის ყუთში ჩააგდეს ოდესის საქალაქო საბჭოს დეპუტატი ალექსეი კოსმინი, - იუწყება „უკრაინის პრესა“ და აღნიშნავს, რომ აქტივისტებმა დეპუტატი ბაკში ჩააგდეს, ფქვილი დააყარეს და „ზელიონკა“ შეასხეს.
 |
