უცხოეთი
სააკაშვილი ზეიმობს! „24 აგვისტოდან უკრაინა დამოუკიდებელი თანამეგობრობის ქვეყნების სივრცეში დამნაშავეების ძებნისა და მათ შესახებ ინფორმაციების გაცვლის სისტემიდან გამოდის“ - განაცხადა არსენი იაცენიუკმა
საქართველო, 25 აგვისტო, საქინფორმი. კიევის პრემიერის თქმით, უკრაინის მიერთება ინტერპოლის მონაცემთა ბაზაზე ნიშნავს, რომ ის ახლა „ძებნის საერთაშორისო ერთიანი სისტემის ნაწილი გახდა“. პირველად უკრაინის განზრახვის შესახებ, გამოვიდეს დსთ-ის ძებნის სისტემიდან და თანამეგობრობის ქვეყნებს ორმხრივი თანამშრომლობა შესთავაზოს, იანვარში უკრაინის შს მინისტრმა არსენ ავაკოვმა განაცხადა.
შეგახსენებთ, რომ 2014 წლის მარტში უკრაინამ შეაჩერა დსთ-ში თავმჯდომარეობა, თუმცა, ოქტომბერში კიევში განაცხადეს, რომ გადაიფიქრეს თანამეგობრობის დატოვება. უკრაინის საგარეო საქმეთა მინისტრი პაველ კლიმკინის თქმით, დსთ-დან მისი ქვეყნის გასვლა ამ ეტაპზე არამიზანშეწონილია; თუმცა, აღნიშნა უწყების ხელმძღვანელმა, კიევი მონაწილეობს დსთ-ის ღონისძიებებში, როცა მას „რაიმეს მიღწევა სჭირდება“. როგორც მარტში მედია იუწყებოდა, უკრაინას, რომელიც ოფიციალურად არ გასულა დსთ-დან, ორგანიზაციის 84.3 მლნ რუბლის დავალიანება აქვს, 2014 წელს აღმასრულებელი ორგანოების მუშაობის უზრუნველყოფისთვის. ამ პირობებში თანამეგობრობიდან ქვეყნის იძულებით გარიცხვა შეუძლიათ. ამასთან, ბელარუსის პრეზიდენტი ალექსანდრე ლუკაშენკოს აზრით, დსთ-დან უკრაინის გასვლა მოსალოდნელი არ არის, თუმცა დე-ფაქტო ის წყვეტს თავის მონაწილეობას ორგანიზაციაში საერთო ბიუჯეტის დაფინანსების შეწყვეტით. 
