აფხაზეთში თვითმხილველთა თვალწინ მოსკოველი ბიზნესმენი მოკლეს

უცხოეთი

1-abxaz-zar-3 საქართველო, 31 აგვისტო, საქინფორმი. აფხაზეთში მოსკოველი ბიზნესმენი მოკლეს. ანგარიშსწორება რესტორნის სტუმრების თვალწინ მოხდა.

დაუდგენელი მკვლელების მსხვერპლი მოსკოველი მეწარმე დიმიტრი მავროპულოსია. 45 წლის მამაკაცი, რომელიც წითელი ხიდის შორიახლო რესტორან „ბასლაში“ ისვენებდა სოხუმში, დაწესებულების მრავალრიცხოვანი სტუმრების თვალწინ ჩაცხრილეს.

აფხაზეთის შს სამმართველო: „თვითმხილველთა განცხადებით, ორმა ნიღბიანმა უცნობმა მავროპულოსს, რომელიც სუფრას თანმხლებ ქალიშვილსა და ადგილობრივ ბერძნებთან ერთად უჯდა, თავში ორჯერ ესროლა და იქაურობა სასწრაფოდ დატოვა“.

„ტასის“ ცნობით, მკვლელებს აფხაზეთის პროკურატურა ეძებს.