უცხოეთი
რუსეთის ავიაჯგუფმა დღე-ღამეში სირიის თავზე 88 საბრძოლო ფრენა განახორციელა
საქართველო, 14 ოქტომბერი, საქინფორმი. რუსულმა ბომბდამშენებმა Су-24М გაანადგურეს ტერორისტული დაჯგუფება „ისლამური სახელმწიფოს“ (აკრძალულია რფ-ში) ორი საველე, მათ შორის, სირიის პროვინცია ალეპოში ბოევიკთა მოქმედების მაკოორდინირებელი შტაბი. ამის შესახებ რუსეთის თავდაცვის სამინისტროს წარმომადგენელმა იგორ კონაშენკოვმა განაცხადა.
„ბომბდამშენებმა Су-24М ანადანის დასახლებული პუნქტის რაიონში, ალეპოს პროვინციაში წერტილოვანი იერიში მიიტანეს „ისლამური სახელმწიფოს“ ტერორისტთა საველე შტაბზე. აღნიშნული შტაბიდან ხორციელდებოდა პროვინციაში ტერორისტთა ფორმირებების მოქმედებათა კოორდინაცია. აქვე იყო განთავსებული საბრძოლო მასალების საწყობი“, - განუცხადა მან ჟურნალისტებს.
სულ კი, რფ-ის საჰაერო-კოსმოსური ძალების თვითმფრინავებმა სირიაში გასული დღე-ღამის განმავლობაში 88 საბრძოლო ფრენა განახორციელეს ავიაბაზა „ჰმეიმიმ“-დან ტერორისტული დაჯგუფება „ისლამური სახელმწიფოს“ 86 ობიექტზე.
