უცხოეთი
„ჩვენ არ ვისწრაფვით "ცივი ომისკენ", მითუმეტეს ცხელი ომისკენ რუსეთთან. არ გვსურს, რომ რუსეთი ჩვენი მტერი იყოს, მაგრამ არ უნდა დავუშვათ შეცდომები...“ - ეშტონ კარტერი
საქართველო, 9 ნოემბერი, საქინფორმი. ამერიკის თავდაცვის მდივანი ეშტონ კარტერი რუსეთს ადანაშაულებს, რომ "ბირთვულ იარაღს აჟღარუნებს", ასევე ცდილობს შეცვალოს არსებული მსოფლიო წესრიგი და დაარღვიოს სტრატეგიული სტაბილურობა.
ეშტონ კარტერმა რუსეთი უკრაინისა და საქართველოს სუვერენიტეტის დარღვევაში და ბალტიის ქვეყნების დაშინებაში დაადანაშაულა და განაცხადა, რომ რუსეთის მონაწილეობა "ისლამური სახელმწიფოს" წინააღმდეგ ოპერაციაში, სირიაში არსებულ კონლიქტს "ცეცხლზე ნავთს ასხამს".
"ჩვენ არ ვისწრაფვით "ცივი ომისკენ", მითუმეტეს ცხელი ომისკენ რუსეთთან. არ გვსურს, რომ რუსეთი ჩვენი მტერი იყოს, მაგრამ არ უნდა დავუშვათ შეცდომები: აშშ დაიცავს საკუთარ ინტერესებს, თავისი მოკავშირეების ინტერესებს, პრინციპულ საერთაშორისო წესრიგს", - განაცხადა კარტერმა.
მისი თქმით, არც რუსეთს და არც ჩინეთს ამ წესრიგის შეცვლა არ შეუძლიათ, მაგრამ ცალკეულ საკითხებში გამოწვევები ხდება.
