აქტუალური
„კომპანიაზე, რომელიც 1 კგ არასტანდარტულ მანდარინს შეისყიდის არანაკლებ 20 თეთრად, გაიცემა სუბსიდია 10 თეთრის ოდენობით“ - პრემიერი ღარიბაშვილი
საქართველო, 10 ნოემბერი, საქინფორმი. ამის შესახებ საქართველოს პრემიერ–მინისტრმა ირაკლი ღარიბაშვილმა მთავრობის სხდომაზე განაცხადა.
სოფლის მეურნეობის მინისტრი ოთარ დანელიას განმარტებით, არასტანდარტულ მანდარინზე წელსაც იქნება 10 თეთრის ოდენობის სუბსიდია.
„შარშანდელისგან განსხვავებით, წელს დაემატა სიმძლავრეები, როგორც შეფუთვისა და გადამუშავების, ისე კონცენტრატის წარმოების კუთხით, რაც ძალიან მნიშვნელოვანია დარგისთვის. ასევე გაიზარდა მოსავალი, გვაქვს 30–40%–ით მეტი მოსავალი, თუმცა მოთხოვნა დიდია. ექსპორტის მოთხოვნა არის 30–35 ათასი ტონის. ასევე აღსანიშნავია ხარისხი გადამუშავების, ასევე შეფუთვის, რომელიც აბსოლუტურად ევროპულ სტანდარტებს უტოლდება“, – განაცხადა ოთარ დანელიამ.
