აქტუალური
იაპონიის მთავრობა საქართველოში კიდევ სამ პროექტს დააფინანსებს
ხვალ იაპონიის ელჩის რეზიდენციაში გაიმართება „გრასრუტისა და ადამიანის უსაფრთხოების პროექტებისთვის საგრანტო დახმარების“ ფარგლებში დაფინანსებულ სამ პროექტზე ხელის მოწერის ცერემონია. ეს პროექტებია: თელავის, საგარეჯოსა და ახალქალაქის რაიონების ჰუმანიტარული განაღმვა (პროექტის ღირებულება 675,848 აშშ დოლარი).
პროექტის ფარგლებში იაშვილის ბავშვთა ცენტრალური საავადმყოფოს დღენაკლულ ახალშობილებში რეტინოპათიის სამკურნალო ქირურგიული აპარატურა გადაეცემა (პროექტის ღირებულება 85,680 აშშ დოლარი). ასევე, დაგეგმილია თბილისში აფხაზეთიდან დევნილი მოსახლეობის საავადმყოფოს შენობის რეაბილიტაცია (პროექტის ღირებულება 102,620 აშშ დოლარი) და სამი რაიონის გაწმენდა ნაღმებისგან; იგი ითვალისწინებს როგორც საჭირო ტექნიკის მიწოდებას, ასევე განაღმვის მიმდინარე ხარჯების დაფარვას.
ცერემონიას დაესწრება იაპონიის საგანგებო და სრულუფლებიანი ელჩი საქართველოში, მასაიოში კამოჰარა და წარმომადგენლები პროექტთან დაკავშირებული სამინისტროებიდან.
