საქართველო, 23 დეკემბერი, საქინფორმი. ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის საქმიანობის სამწლიანი ანგარიშის წარდგენისას განაცხადა.
• 82%-ით გაიზარდა მეცნიერებისა და სამეცნიერო კვლევების დაფინანსება;
• 3-ჯერ გაიზარდა სამეცნიერო კვლევითი დაწესებულებების დაფინანსება;
• 2.5 ჯერ გაიზარდა მეცნიერ-თანამშრომელთა ხელფასები;
• 24 მილიონი ლარით დაფინანსდა სამეცნიერო ინფრასტრუქტურისა და კვლევითი ბაზის განახლება;
• 60 მილიონი ლარით დაფინანსდა საუკეთესო სამეცნიერო-კვლევითი პროექტები;
• 65%-ით გაიზარდა მასწავლებლის საბაზო ხელფასი;
„სახელმწიფოს სრული დაფინანსებით ათასამდე ინკლუზიური განათლების სპეციალისტი ემსახურება შეზღუდული შესაძლებლობების მქონე 5 000-მდე მოსწავლეს“, - განაცხადა ირაკლი ღარიბაშვილმა.
პრემიერის თქმით, გადაიდგა მნიშვნელოვანი ნაბიჯები უმაღლესი განათლების სფეროში - სახელმწიფო აფინანსებს 21 საბაკალავრო პროგრამას; გასამმაგდა სოციალური პროგრამის ფარგლებში დაფინანსებული სტუმრების რაოდენობა; გაიზარდა სასტიპენდიო ფონდები;
პრემიერ-მინისტრის ინიციატივით, დევნილი და სოციალურად დაუცველი ნიჭიერი სტუდენტებისთვის, ლისის ტბის ფერდობზე შენდება თანამედროვე სტანდარტების 320-ადგილიანი სტუდენტური საერთო საცხოვრებელი. მსოფლიოს სამაგისტრო დასადოქტორო პროგრამებზე სწავლისთვის გრანტი უკვე 192 ახალგაზრდას დაუმტკიცდა.