სამართალი
პრემიერ-მინისტრის დავალების შესაბამისად, იუსტიციის სამინისტრომ სისხლის სამართლის კოდექსში ცვლილება მოამზადა
საქართველო, 25 მაისი, საქინფორმი. კოდექსს დაემატება ახალი მუხლი, რომელიც სისხლის სამართლებრივი წესით დასჯადს გახდის ძალადობას ან ძალადობის მუქარას საარჩევნო უბანზე, წინასაარჩევნო აგიტაციის ან კამპანიის ადგილას, ან მათ მიმდებარედ.
მუხლი სხვადასხვა ნაწილისგან შედგება: ჯგუფური დანაშაულის დროს გათვალისწინებული იქნება ოთხ წლამდე პატიმრობა, ხოლო იმ შემთხვევაში, თუ პირს ფიზიკური დაზიანება არ მიუღია, გათვალისწინებული იქნება ჯარიმა ან/და ორ წლამდე თავისუფლების აღკვეთა.
ცვლილების პროექტს საქართველოს მთავრობა 27 მაისის სხდომაზე განიხილავს.
