სამართალი
ფონიჭალას ნარკოსერიალი გრძელდება!

    საქართველო, 16 აგვისტო, საქინფორმი. სოფელი ფონიჭალა თბილისის გარეუბნად შეიძლება ჩაითვალოს, რადგან,  პრაქტიკულად, დედაქალაქის ფარგლებში მდებარეობს.  სამწუხაროდ, ჯერ კიდევ სააკაშვილის  ხელისუფლების დროიდან, ამ სოფლის სახელი ნარკოვაჭრებთან და ხმაურიან სპეცოპერაციებთან ასოცირდება.  იგივე გაგრძელდა ახალი ხელისუფლების პირობებში -  არ გასულა 2 დღე სპეცოპერაციიდან, რომლის შედეგად ორი ძმა - ნარკორეალიზატორი დააკავეს, რომ ახალი დაკავებების სერია ჩატარდა!  
შსს-ს თბილისის პოლიციის დეპარტამენტის ისანი-სამგორის პოლიციის სამმართველოს მე-9 განყოფილების თანამშრომლებმა 1987 წელს დაბადებული ე.ჯ. ნარკოტიკული საშუალების უკანონო შეძენა-შენახვისა და გასაღების ბრალდებით სოფელ ფონიჭალაში დააკავეს. გამოძიებამ დაადგინა, რომ ბრალდებული ნარკოტიკულ საშუალებას სისტემატურად ყიდდა. პოლიციამ ე.ჯ-ს მიერ მოქალაქისთვის მიყიდული, 4 შეკვრად დაფასოებული ჰეროინი ნივთმტკიცებად ამოიღო. გამოძიება ნარკოტიკული საშუალების უკანონო შეძენა-შენახვისა და გასაღების ფაქტზე მიმდინარეობს.
დანარჩენ სპეცოპერაციებზე. რომლებიც წარმაებით დასრულდა, "საქინფორმი" ხვალ. 17 აგვისტოს შეგატყობინებთ.