აქტუალური
30-ლარიანი სასურსათო ვაუჩერის დარიგება ინფლაციის გაღრმავების რისკს ზრდის

produktiეკონომიკის ექსპერტ შოთა მურღულიას განცხადებით, უკეთესი იქნებოდა, მთავრობას 30-ლარიანი სასურსათო ვაუჩერი მხოლოდ იმ ადამიანებისთვის გადაეცა, ვისაც ეს მართლა სჭირდებოდა, რადგან ბაზარზე დამატებით 30 მლნ ლარის გაშვება ინფლაციის გაღრმავების რისკს გაზრდის. მისი აზრით, ეს უფრო სოციალური დახმარებაა, ვიდრე - ანტიინფლაციური ან ეკონომიკური პროგრამა, რაც დიდ ეფექტს ვერ მოიტანს.

შეგახსენებთ, რომ ყველა ოჯახისთვის 30-ლარიანი სასურსათო ვაუჩერის გადაცემის შესახებ, საქართველოს პრეზიდენტმა მიხეილ სააკაშვილმა 11 თებერვალს პარლამენტის წინაშე ყოველწლიური საანგარიშო მოხსენების წარდგენისას განაცხადა.

პრეზიდენტის თქმით, სასურსათო ვაუჩერი ფასიანი ქაღალდია, რომლის ბანკში განაღდება იქნება შესაძლებელი. ამასთან, ვაუჩერის ყველა მფლობელს ასევე ექნება საშუალება, იგი ნებისმიერ სხვა ოჯახს დაუთმოს. ამ ღონისძიების განსახორციელებლად მთავრობა 30 მილიონ ლარს გამოყოფს, ვაუჩერების დარიგება კი მარტიდან დაიწყება.