საზოგადოება
„მწვანე ალტერნატივა“ საქართველოს ხელისუფლებას გაეროში უჩივის

alternativa_mwvaneგარემოს დაცვითი არასამთავრობო ორგანიზაცია „მწვანე ალტერნატივა“ ჟენევაში, გაეროს კონვენციის სამდივნოში საჩივარს აგზავნის. არასამთავრობო ორგანიზაცია საქართველოს ხელისუფლებას გაეროს კონვენციის მე-8 მუხლის დარღვევაში ადანაშაულებს.

როგორც „მწვანე ალტერნატივის“ ხელმძღვანელი, ირაკლი მაჭარაშვილი აცხადებს საქართველოს ხელისუფლებამ დაარღვია შეთანხმება იმის შესახებ, რომ გარემოსდაცვითი გადაწყვეტილებების მიღების პროცესში საზოგადოება და დაინეტერესებული პირები ჩართული უნდა იყვნენ.

საქართველოს ხელისუფლებამ კი გადაწყვეტილება გარემოს დაცვისა და ბუნებრივი რესურსების სამინისტროს რეორგანიზაციის შესახებ საჯარო განხილვების გარეშე მიიღო.

გარდა ამისა, მაჭარაშვილის განცხადებით, „მწავნე ალტერნატივა“ ყოველწლიურ ანგარიშს ამზადებს, სადაც მსგავსი დარღვევები იქნება შეტანილი.