აქტუალური
ნატოს სამხედრო ინფრასტრუქტურის რუსეთის საზღვრებთან მიახლოებას მოსკოვი სათანადოდ უპასუხებს - ლავროვი
საქართველო, 17 იანვარი, საქინფორმი. ნატოს აქტივობის გაზრდასა და ალიანსის სამხედრო ინფრასტრუქტურის რუსეთის საზღვრებთან მიახლოებას მოსკოვი სათანადოდ უპასუხებს, – ამის შესახებ რუსეთის საგარეო საქმეთა მინისტრმა სერგეი ლავროვმა 2018 წლის შემაჯამებელ პრესკონფერენციაზე განაცხადა, იუწყება საზოგადოებრივი მაუწყებლის პირველი არხი.
სერგეი ლავროვის თქმით, რუსეთი აშშ-სთან და ევროკავშირთან ნორმალური ურთიერთობების აღდგენით კვლავ დაინტერესებულია, თუმცა ეს თანაბარი უფლებებისა და ორმხრივი ინტერესების გათვალისწინების პრინციპით უნდა მოხდეს.
რუსეთის საგარეო უწყების ხელმძღვანელმა ასევე აღნიშნა, რომ მოსკოვს საშუალო მანძილზე მოქმედი ბირთვული ძალების შეთანხმების შენარჩუნება სურს და იმედოვნებს, რომ ევროპა საკუთარ კონტრიბუციას უზრუნველყოფს.
