აქტუალური
ლარმა გამყარება დაიწყო

valuta_gacvlaბოლო რამდენიმე დღეა, ეროვნულმა ვალუტამ დოლართან მიმართებაში გამყარება დაიწყო. ეროვნული ბანკის მონაცემებით, დღეს ერთი დოლარი 1.74 ნიშნულზე ფიქსირდება. წლის დასაწყისიდან კი ლარი დოლართან მიმართებაში თითქმის 1.80–იან ნიშნულზე იყო. ექსპერტთა ნაწილი ლარის კიდევ უფრო გამყარებას პროგნოზირებს.

ეკონომიკის ექსპერტთა ნაწილი მიიჩნევს, რომ ლარზე მოთხოვნა გაიზარდა და, შესაბამისად, ლარის კურსის გამყარება 10 დღეა, დაიწყო. ექსპერტების თქმითვე, ეს პროცესი ინფლაციას შეანელებს და თუ კონკრეტულ ბიზნესსეგმენტში სხვა გარემოებებმა არ იმოქმედა, ფასებმა არ უნდა აიწიოს.

ბიზნესმენთა ნაწილიც აცხადებს, რომ საერთაშორისო ბირჟებზე მომატებული ფასების ფონზე, ლარის კურსის გამყარებით მეტ-ნაკლებად სტაბილური ფასების შენარჩუნების საშუალება მიეცემათ.