საზოგადოება
სალომე ზურაბიშვილი: მე ვარ ქალი ორი ქვეყნიდან

 საქართველო, 21 თებერვალი, საქინფორმი. მე ვარ ქალი ორი ქვეყნიდან, – ამის შესახებ საქართველოს პრეზიდენტმა სალომე ზურაბიშვილმა ფრანგულ რადიოსადგურ „არ-ტი-ელთან“ (RTL) ინტერვიუში განაცხადა.

მედიასაშუალება აღნიშნავს, რომ სალომე ზურაბიშვილი კავკასიაში პირველი ქალი პრეზიდენტი გახდა.

როგორც ზურაბიშვილმა ინტერვიუში თქვა, მისთვის ძალიან უცნაური შეგრძნებაა, სხვა ქვეყნის პრეზიდენტის რანგში დაბრუნდეს იმ ქვეყანაში, სადაც გაიზარდა.

თავს ვგრძნობ, როგორც სახლში. ყოველთვის ვამბობდი და რამდენიმე წლის წინ დაწერილ წიგნშიც აღვნიშნე, რომ მე ვარ ქალი ორი ქვეყნიდან. დღეს მე ვარ იმ ქვეყნის სამსახურში, რომელიც ჩემმა მშობლებმა, ბებიამ და პაპამ დატოვეს, როდესაც ქვეყანამ დამოუკიდებლობა დაკარგა“, – აღნიშნა სალომე ზურაბიშვილმა.

საქართველოს პრეზიდენტის თქმით, საფრანგეთში დაბრუნება მისთვის სიმბოლურია.

მე გარკვეულწილად იმიტომაც ამირჩიეს, რომ ევროპაში დასაყრდენი მქონდა“, – განაცხადა სალომე ზურაბიშვილმა და აღნიშნა, რომ მისთვის ქართული წარმომავლობა და ფრანგული განათლება უპირატესობაა.

ვფიქრობ, სწორედ ამან მოიზიდა ამომრჩევლები“, – განაცხადა საქართველოს პრეზიდენტმა ინტერვიუში.