საზოგადოება
ნათელაშვილი მილიონერი მაჟორიტარების სიას აქვეყნებს და მათთვის ქონების ჩამორთმევას ითხოვს
„ლეიბორისტული პარტიის“ თავმჯდომარე შალვა ნათელაშვილის განცხადებით, ქვეყანაში შექმნილ მძიმე მდგომარეობაში მთავარი დამნაშავეები „ყაჩაღი“ მაჟორიტარი დეპუტატები არიან, რომლებიც პრეზიდენტ სააკაშვილის ხელშეწყობით მხოლოდ იმით არიან დაკავებული, ხალხის ხარჯზე მილიონები იშოვონ.
„თეთრიწყაროს მაჟორიტარი დეპუტატი დავით ბეჟაშვილი 1 მლრდ 500 მილიონ დოლარს ფლობს, ბოლნისის მაჟორიტარი კობა ნაყოფია – 500 მლნ-ს, ბაღდადის დეპუტატი თემურ კოხოძე – 400 მლნ-ს, ადიგენის დეპუტატი, „პსპ“-ს მფლობელი კახა ოქრიაშვილი – 300 მლნ-ს, მთაწმინდის მაჟორიტარი არჩილ გეგენავა – 100 მლნ-ს, ლენტეხის დეპუტატი გოგი ლიპარტელიანი – 50 მლნ-ს, ახალგორის დეპუტატი ოვაშვილი – 40 მლნ-ს, ნაძალადევის რაიონის დეპუტატი სამადაშვილი – 30 მლნ-ს, კასპის მაჟორიტარი კურდღელაშვილი – 15 მლნ-ს, ხობის მაჟორიტარი დეპუტატი გოდერძი ბუკია კი – 10 მლნ აშშ დოლარს“, – განაცხადა ნათელაშვილმა.
მისივე თქმით, აღნიშნული ჩამონათვალი საბოლოო არ არის და ის უახლოეს მომავალში კიდევ არაერთ დეპუტატს დაასახელებს, რომლებსაც „ხალხის ძარცვით“ მილიონები აქვთ ნაშოვნი.
