უცხოეთი
თურქეთში რუსული საზენიტო-სარაკეტო კომპლექსის განთავსების მეორე ეტაპი დასრულდა

 საქართველო, 17 სექტემბერი, საქინფორმი. თურქეთში რუსული საზენიტო-სარაკეტო კომპლექსის, „ეს-400“-ის განთავსების მეორე ეტაპი დასრულდა.

თურქეთის თავდაცვის სამინისტროს ინფორმაციით, რუსული საჰაერო თავდაცვის სისტემის ნაწილები ანკარის ავიაბაზა მიურტედში ჩაიტანეს. პარალელურად, გრძელდება სისტემის განთავსებისა და პერსონალის გადამზადების საჭირო პროცედურები.

რუსული საზენიტო-სარაკეტო კომპლექსის ექსპლუატაციაში მიღება 2020 წლის აპრილისთვის იგეგმება.

რუსეთის სამხედრო-სატრანსპორტო თვითმფრინავებმა თურქეთში „ეს-400“-ის პირველი ბატარეა მიმდინარე წლის ივლისში ჩაიტანეს.

რუსული შეიარაღების შესყიდვის გამო, თურქეთის მიმართ უკმაყოფილება არაერთხელ გამოთქვა აშშ-მა და ნატო-მ.

1tv.ge