უცხოეთი
მევლუთ ჩავუშოღლუ - საფრანგეთის პრეზიდენტი ტერორიზმს აფინანსებს
საქართველო, 29 ნოემბერი, საქინფორმი. ემანუელ მაკრონი ტერორიზმს აფინანსებს, – ასე გამოეხმაურა თურქეთის საგარეო საქმეთა მინისტრი მევლუთ ჩავუშოღლუ საფრანგეთის პრეზიდენტის, ემანუელ მაკრონის სირიაში თურქეთის სამხედრო ოპერაციასთან დაკავშირებით გაკეთებულ განცხადებას.
„ის უკვე აფინანსებს ტერორისტულ ორგანიზაციებს და მუდმივად მასპინძლობს მათ ელისეის სასახლეში“, – განაცხადა მევლუთ ჩავუშოღლუმ.
ანკარა ქურთების სამხედრო შენაერთებს ტერორისტულ ორგანიზაციად განიხილავს. სწორედ მათ წინააღმდეგ დაიწყო თურქეთმა 9 ოქტომბერს სირიის ჩრდილოეთ რეგიონებში სამხედრო ოპერაცია.
რამდენიმე დღის წინ საფრანგეთის პრეზიდენტმა თურქეთი სირიაში სამხედრო ოპერაციის გამო მკაცრად გააკრიტიკა.
1tv.ge
