აქტუალური
„ჩერნომორენერგოს“ ცნობით, აფხაზეთის ელექტრომომარაგება რუსეთიდან დაიწყო

 საქართველო, 3 თებერვალი, საქინფორმი. „ჩერნომორენერგოს“ ცნობით, აფხაზეთის ტერიტორიაზე ელექტროენერგიის მიწოდების შეზღუდვები მოიხსნა. კომპანიის „ფეისბუქ“ გვერდზე აღნიშნულია, რომ პირველი თებერვლის ღამის ორი საათიდან რუსეთიდან აფხაზეთის მიმართულებით ელექტროენერგიის გადინება დაიწყო.

აფხაზეთის მედიის ცნობით, „რესპუბლიკაში“ კრიზისი მას შემდეგ შეიქმნა, რაც ჯვრის წყალსაცავში წყლის დონე 439.13 მეტრამდე დაეცა. თუ წყალსაცავში წყლის დონე 420 მეტრს მიაღწევს, ენგურჰესი მუშაობას შეაჩერებს“,- ნათქვამია სტატიაში.

ცნობისთვის, შპს „ენგურჰესმა“ ამას წინათ გაავრცელა განცხადება, სადაც აღნიშნული იყო, რომ „ენგურჰესის“ წყალსაცავში წყლის დონე 439 მეტრს შეადგენს. შესაბამისად, დარჩენილი რესურსისა და მდინარის შემოდინების გათვალისწინებით, „ენგურჰესი“ და „ვარდნილჰესი“ აფხაზეთის მოხმარების სრულ დაფარვას ვერ ახერხებს.