აქტუალური
ინფლაცია მარტში 13,9 პროცენტამდე გაიზარდა

infინფლაციის წლიური მაჩვენებელი იანვარში დაფიქსირებული 12,7 პროცენტიდან მარტში 13,9 პროცენტამდე გაიზარდა.

სახელმწიფო სტატისტიკური სამსახურის – „საქსტატის“ – ცნობით, წინა წლის ანალოგიურ მაჩვენებელთან შედარებით, ფასები სურსათზე და უალკოჰოლო სასმელზე 28,8 პრცენტით გაიზარდა და მარტში წლიური ინფლაციის წილში 11,9 პროცენტი შეადგინა.

ფასების მნიშვნელოვანი ზრდა დაფიქსირდა ხილზე (65,5 პროცენტით წინა წლის ანალოგიურ მაჩვენებელთან შედარებით), პურპროდუქტებზე (25 პროცენტით) და ხორცსა და ხორცის პროდუქტებზე (21,8 პროცენტით).

საქსტატის ინფორმაციით, მარტში საწვავზე ფასებმა 24,8 პროცენტით მოიმატა.