პოლიტიკა
ჯეიმს აპატურაი თბილისში შეხვედრებს იწყებს
ნატოს გენერალური მდივნის წარმომადგენელი სამხრეთ კავკასიასა და ცენტრალურ აზიაში ჯეიმს აპატურაი დღეს, 7 აპრილს, თბილისში ოფიციალურ ვიზიტს იწყებს. ვიზიტის ფარგლებში ის საქართველოს საგარეო საქმეთა მინისტრ გრიგოლ ვაშაძეს, ვიცე-პრემიერ გიორგი ბარამიძესა და უშიშროების საბჭოს მდივან გიგა ბოკერიას შეხვდება.
სტუმარს შეხვედრებიც აქვს დაგეგმილი ოპოზიციის წარმომადგენლებთან, კერძოდ, „ოპოზიციურ რვიანთან“, რომელში შემავალი პარტიების ლიდერებიც შეხვედრისას პროცესის მიმდინარეობზე, დინამიკასა და დღეს არსებულ ვითარებაზე ისაუბრებენ.
შეხვედრაზე, რომელიც საქართველოში ნატოს წარმომადგენლობის ოფისში შედგება და დაახლოებით ერთ საათს გაგრძელდება, საუბარი ქვეყანაში დემოკრატიის განვითარების კუთხით არსებულ ვითარებაზეც შედგება.
აპატურაი თბილისს, სავარაუდოდ, დღესვე დატოვებს.
