უცხოეთი
ჩინეთში შავი ჭირის შემთხვევა დაფიქსირდა

 საქართველო, 7 ივლისი, საქინფორმი. ჩინეთში, შიდა მონღოლეთის ავტონომიური რეგიონის ქალაქ ბაიანურში შავი ჭირის შემთხვევა დაფიქსირდა. ინფიცირებული მწყემსია, რომლის მდგომარეობაც ამჟამად სტაბილურია. პაციენტი იზოლირებულია.

„ბიბისის“ ინფორმაციით, ჩინეთში მესამე დონის განგაშია გამოცხადებული, რომლის მიხედვითაც, ქვეყანაში დროებით იკრძალება იმ ცხოველებზე ნადირობა და საკვებად გამოყენება, რომლებიც შესაძლოა, შავი ჭირის მატარებლები იყვნენ.

პაციენტის ინფიცირების წყარო ჯერჯერობით უცნობია.