უცხოეთი
აშშ-ის სახელმწიფო დეპარტამენტი მოუწოდებს სომხეთსა და აზერბაიჯანს, რაც შეიძლება სწრაფად განაახლონ მოლაპარაკებები
საქართველო, 15 ივლისი, საქინფორმი. ამერიკის შეერთებული შტატები მკაცრად გმობს სომხეთ-აზერბაიჯანის საერთაშორისო საზღვარზე მომხდარ ძალადობის ფაქტებს, – ამის შესახებ აშშ-ის სახელმწიფო დეპარტამენტის განცხადებაშია აღნიშნული.
„მოვუწოდებთ მხარეებს, დაუყონებლივ შეწყვიტონ ძალის გამოყენება, გამოიყენონ მათ შორის არსებული კომუნიკაციის არხები, რათა თავიდან იყოს აცილებული შემდგომი ესკალაცია და მკაცრად დაიცვან ცეცხლის შეწყვეტის შესახებ შეთანხმება“, – აღნიშნულია განცხადებაში.
ამერიკის შეერთებული შტატები მზადყოფნას გამოთქვამს, მხარეებს მთიანი ყარაბაღის კონფლიქტის მშვიდობიანი გზით გადაწყვეტაში დაეხმაროს. ასევე, მოუწოდებს მხარეებს, რაც შეიძლება სწრაფად განაახლონ მოლაპარაკებები.
სომხეთ-აზერბაიჯანის საზღვარზე შეიარაღებული დაპირისპირება 12 ივლისს დაიწყო.
