პოლიტიკა
„Transparency International“ საქართველოს ხელისუფლებისგან დაკონკრეტებას ითხოვს

transparency-internationalორგანიზაცია „Transparency International“ („საერთაშორისო გამჭვირვალობა – საქართველო“) ამერიკის შეერთებული შტატების სახელმწიფო დეპარტამენტის მიერ ადამიანის უფლებათა შესახებ ანგარიშის გამოქვეყნებას მიესალმება და იმედოვნებს, რომ აშშ-ის ელჩის მოწოდება საქართველოში სახელმწიფო პოლიტიკასა და რეფორმების დაგეგმვის პროცესში სამოქალაქო საზოგადოების მეტი ჩართულობისაკენ უპასუხოდ არ დარჩება.

„Transparency International“-ის შეფასებით, „სასამართლოს დამოუკიდებლობა და შერჩევითი სამართალი, საქართველოს ანტიკორუფციული პოლიტიკა, დევნილთა უფლებები, მედიის თავისუფლება, ბიზნესის მფლობელების გამჭვირვალობა და სახელმწიფო უწყებების ანგარიშვალდებულება მოქალაქეების მიმართ ის საკითხებია, რომლებსაც მთავრობამ განსაკუთრებული ყურადღება უნდა მიაქციოს“.

ამასთან, „Transparency International“ საქართველოს ხელისუფლებას სთხოვს, „დააკონკრეტოს, თუ რა საკითხებში არ ეთანხმება ამერიკის შეერთებული შტატების სახელმწიფო დეპარტამენტის მოსაზრებებს“.