პოლიტიკა
ნატომ უარი თქვა უახლოეს მომავალში უკრაინისა და საქართველოს გაწევრიანების განხილვაზე
საქართველო, 17 ივნისი, საქინფორმი. ნატოს გენერალურმა მდივანმა იენს სტოლტენბერგმა განაცხადა, რომ ჩრდილოატლანტიკური ალიანსი ამ ეტაპზე არ განიხილავს მასში უკრაინისა და საქართველოს შესვლას. ამის შესახებ მან ვაშინგტონში მყოფი სამხედრო დამკვირვებელთა ჯგუფისთვის გამართულ ბრიფინგზე განაცხადა. მისი თქმით, ამ ქვეყნების ნატოში წევრობის საკითხის ყურადღების ცენტრში ამჟამად ალიანსის სტანდარტებისადმი მათი შესაბამისობაა. ამრიგად, ახლა პირველ ადგილზე დგას სამხედრო რეფორმის განხორციელება და არა ამ ქვეყნების ნატოში შესვლა.
ამასთან, სტოლტენბერგმა ხაზი გაუსვა, რომ რუსეთის ხმა, რომელიც კატეგორიულად ეწინააღმდეგება უკრაინისა და საქართველოს ნატოში შესვლას, ამ საკითხში გადამწყვეტი ვერ იქნება. მან ხაზი გაუსვა, რომ ამ ქვეყნებში ალიანსში გაწევრიანების საკითხს გადაწყვეტენ თავად უკრაინა და საქართველო, ასევე ნატოს 30 წევრი ქვეყანა.
”წევრობის სამოქმედო გეგმის წარსადგენად ან მის შესათანხმებლად, ჩვენ გვჭირდება 30 მოკავშირის კონსენსუსი. ეს არ ყოფილა ამ [ალიანსის] სამიტის ყურადღების ცენტრში. ჩვენი უმთავრესი ყურადღება მიპყრობილია უკრაინის მხარდაჭერისკენ რეფორმების განხორციელების პროცესში”, – განაცხადა მან.
