საზოგადოება
ძალიან მაცდური კარიერული პერსპექტივაა - ვიოლა ფონ კრამონი ირაკლი ღარიბაშვილის განცხადებაზე
საქართველო, 2 სექტემბერი, საქინფორმი. ევროპარლამენტარი ვიოლა ფონ კრამონი საქართველოს პრემიერ-მინისტრ ირაკლი ღარიბაშვილის განცხადებას „ტვიტერის“ მეშვეობით ეხმაურება.
„ძალიან მაცდური კარიერული პერსპექტივაა“, – წერს ფონ კრამონი.
შეგახსენებთ, ირაკლი ღარიბაშვილმა გუშინ განაცხადა, რომ „მისი უფროსი არ არის ევროპარლამენტარი, მისი უფროსია ქართველი ხალხი“.
„არ მაინტერესებს, ვინ რა თქვა, მე ვეუბნები ჩვენს ხალხს, რომ ეს იყო სესხი და ჩვენ დამატებითი სესხის აღებაზე ვთქვით უარი“, – განაცხადა ღარიბაშვილმა.
აღნიშნული განცხადებით ირაკლი ღარიბაშვილმა უპასუხა ვიოლა ფონ კრამონის მანამდე გაკეთებულ განცხადებას, სადაც ევროპარლამენტარი აღნიშნავდა, რომ „საქართველოს მთავრობამ არ შეასრულა ევროკავშირის მიკროფინანსური დახმარების მეორე ტრანშის მიღების პირობები და ამიტომ, ვერ იტყოდა უარს იმაზე, რისი მიღების უფლებაც არ ჰქონდა“.
