აქტუალური
საქართველოს საგარეო ვაჭრობა იანვარ-აგვისტოში 22.2%-ით გაიზარდა

 საქართველო, 14 სექტემბერი, საქინფორმი. საქართველოს სტატისტიკის ეროვნული სამსახურის მიერ 13 სექტემბერს გამოქვეყნებული ექსპრეს მონაცემებით, 2021 წლის იანვარ-აგვისტოში, წინა წლის შესაბამის პერიოდთან შედარებით, საქართველოს საგარეო ვაჭრობა 22.2%-ით გაიზარდა და 8.7 მლრდ აშშ დოლარი გახდა.

საანგარიშო პერიოდში, 25.7%-ით – 2.6 მლრდ აშშ დოლარამდე გაიზარდა ექსპორტი, 20.7%-ით – 6 მლრდ აშშ დოლარამდე კი – იმპორტი. ამავე პერიოდში უარყოფითი სავაჭრო ბალანსი 3.5 მლრდ აშშ დოლარი იყო, რაც საერთო სავაჭრო ბრუნვის 40%-ია.