სამართალი
„თავისუფალი საქართველოს“ წევრებს სპეცრაზმი ფიზიკურად გაუსწორდა
26 მაისს რუსთაველის გამზირზე აქციის დარბევისას სპეცრაზმელების მიერ სასტიკად იქნა ნაცემი მოძრაობა „თავისუფალი საქართველოს“ თავმჯდომარე კახა კუკავა, რომელიც დააკავეს და გადაიყვანეს თბილისის პოლიციის მთავარ სამმართველოში.
კახა კუკავა დილის 4 საათზე გაათავისუფლეს.
რუსთაველის გამზირზე ფიზიკურად გაუსწორდნენ, ასევე, მოძრაობა „თავისუფალი საქართველოს“ ახალგაზრდული ორგანიზაციის თავმჯდომარეს – მიხეილ ამაშუკელს. მას აქვს მოტეხილობები, სახის არეში კი ისეთი ჭრილობები, რასაც ქირურგიული ჩარევა დასჭირდა.
დაკავებული და ნაცემი იქნა, აგრეთვე, პარტიის გამგეობის წევრი ჯემალ ვანაძე.
