აქტუალური
შევარდნაძე: „საქართველო რუსეთის გარეშე განწირულია“
საქართველოს ექს-პრეზიდენტმა ედუარდ შევარდნაძემ ორშაბათს ყოველკვირეული გაზეთი „ასავალ-დასავალისთვის“ მიცემულ ინტერვიუში განაცხადა, რომ რუსეთთან ურთიერთობების დარეგულირების გარეშე საქართველო განწირულია. „რუსეთთან ურთიერთობების დარეგულირების გარეშე განწირული ვართ. ჩვენი პრობლემების გადაწყვეტის გასაღები რუსეთშია“, – თქვა მან.
მისი განცხადებით, თუ საქართველო ამ ურთიერთობების დარეგულირებას შეძლებს, მაშინ „ნორმალურ ქვეყანასავით იცხოვრებს. არავინ გაიფუჭებს საქართველოს გამო ურთიერთობებს ისეთ ძლიერ ქვეყანასთან, როგორიც რუსეთია“, – ხაზი გაუსვა ედუარდ შევარდნაძემ დასავლეთის მხარდაჭერის თაობაზე თბილისის იმედების კომენტირებისას. „რუსეთს მარტოს შეუძლია მთელი ევროპისთვის ომის მოგება!“ – აღნიშნა ყოფილი სსრ კავშირის საგარეო საქმეთა სამინისტროს ექს-ხელმძღვანელმა.
„ჯობს გვიან, ვიდრე არასდროს“, ბატონო ედუარდ! მთავარია, ძალიან გვიანი არ იყოს...
