ლაჩარი, რომელსაც თავი „ნათლიად“ მოაქვს! - ექსკლუზივი არნო ხიდირბეგიშვილისგან 07.08.08. ომის შესახებ

პოლიტიკა

საქართველოში აშშ-ის ახალი გეგმების ფონზე 07.08.08. ომის ნაკლებად ცნობილი გარემოებების შესახებ ბოლო პუბლიკაციებმა დიდი რეზონანსი გამოიწვია სოცქსელებში, რაც კიდევ ერთხელ ადასტურებს, რომ სიმართლე დავიწყებულია და მისი გამეორება პერიოდულად საჭიროა. სააკაშვილისა და „სასტავის“ "ნიურნბერგის" პროცესი არ აცდება და ყველა გაიგებს საზარელ სიმართლეს არაადამიანებზე, რომლებიც დღემდე ისე ცხოვრობენ, თითქოს არაფერი მომხდარა! ცოდვილს, რა თქმა უნდა, აქვს მონანიების უფლება, ნებისმიერი სისხლისმსმელის საქციელის მოტივების თუ არა პატიება, გაგება მაინც შეიძლება, მაგრამ როცა არაადამიანებს აქვთ ხელისუფლებაში დაბრუნების პრეტენზია, ისინი ცოფიანი ძაღლებივით უნდა მოექცე!

მე მომმართავენ სააკაშვილის რეჟიმის მიერ დახოცილი ადამიანების ახლობლები და ემოციები რომ არ მახრჩობდეს, მათ ისტორიებს ერთ წიგნად გავაერთიანებდი და ვაჩუქებდი გასამგზავრებლად გამზადებულ აშშ-ის ელჩს, კელი დეგნანს! მათ შორის არ იქნებოდა არც ერთი რეზონანსული დანაშაული, რომელიც ცნობილია მთელი საზოგადოებისთვის, ეს იქნებოდა შურუძიებელი უბრალო ადამიანების მოუშუშებელი ჭრილობები, ამიტომ არ ვპატიობ არც ერთ ბინძურ არამზადას, რომელიც სოცქსელებში მუქარით ცდილობენ ჩემს დაშინებას! დაე გააგრძელონ, მათი უსუსური ისტერიული მუქარები მახარებს - ესე იგი გარდაუვალი შურისძიების ეშინიათ! გარდა იმისა, რომ ისინი წუნკლიანი ლაჩრები არიან, ისევე როგორც მათი ბატონი სააკაშვილი, ამასთან, ამაზრზენი ფარისევლებიც: არაერთხელ მინახავს, როგორ დასცინოდნენ რეჟიმის მეთაურები სააკაშვილის ზურგს უკან - პარტიული ოფისების, პარლამენტისა და სახელმწიფო კანცელარიის მისაღებებსა და ფოიეში, მოდურ რესტორნებსა და კაფეებში, უწოდებდნენ შეშლილ ნაბიჭვარს, თუმცა, როგორც კი მიშა პრეზიდენტი გახდა, მყისვე გადაიქცნენ პირმოთნე მოტიტინე მონებად! 2004 წლიდან, პრესაში, ყოველკვირეულად ვამკობდი სააკაშვილს ბევრად უფრო შეურაცხმყოფელი ეპითეტებით, ამიტომ მის გუნდში არსებულ ფარისევლურ ატმოსფეროს აინუნშიც არ ვაგდებდი და ამის შესახებ დღეს პირველად ვწერ. ისიც მახალისებს, რომ ეს თვალთმაქცები, რომლებიც ჩემი თანდასწრებით სააკაშვილს დებილსა და ჯამბაზს უწოდებდნენ (რაც სიმართლეა), დღესაც მიშას „უავგუსტოეს“ სხეულთან დაშვებული არიან და მისი განსაკუთრებული ნდობით სარგებლობენ!

ასეთივე თვალთმაქცია მოქმედი ხელისუფლების მრავალი წარმომადგენელი - როგორც სააკაშვილის „სასტავიდან“ „პორტირებული“, ასევე ისინი, ვინც "ქართულ ოცნებას" უღალატა და "ნაცმოძრაობის" „კრიშის“ ქვეშ დაბრუნდა. ასეთივე თვალთმაქცები არიან თაღლითები, რომლებსაც წინდახედულად სურთ „პრორუსის“ ნიშის დაჯავშნა, მაგრამ ამავე დროს „წესიერად“ იქცევიან - რუსებს „ველურებსა“ და „ოკუპანტებს“ უწოდებენ, ოღონდ მხოლოდ ქართულ ენაზე და შიდა პოლიტიკურ და მედიასივრცეში! ზოგიერთ მათგანს სერიოზული თანამდებობა ეკავა და თავს შესანიშნავად გრძნობდა სააკაშვილის რეჟიმის პირობებში, მათ თვალში მე და ჩემი თანამოაზრეები ყოველთვის გიჟები ვიყავით, რომელთა დღეები დათვლილია! თვალთმაქცები არასოდეს „წვავენ ყველა ხიდს“, ამიტომ ყოველთვის ზედაპირზე ტივტივებენ – არ იძირებიან როგორც პოლიტიკური ქაქი.

სწორედ მათ დამირეკეს 2003 წლის 23 ნოემბრის შუაღამეს, როცა რუსთაველის გამზირზე „ვარდების რევოლუციის“ გამარჯვებას ზეიმობდნენ, ლხინზე დასაპატიჟებლად: „სად ხარ?! ყველა გეძებთ (ჩამოთვალეს ცნობილი სახელები). გავიმარჯვეთ და მალე დავიბრუნებთ აფხაზეთსა და სამაჩაბლოს, ვზეიმობთ!“. ისინი უბრალო ადამიანები როდი იყვნენ, ისინი ჟვანია-სააკაშვილის გაერთიანებული გუნდის ხელმძღვანელებს წარმომადგენდნენ. „სახლში მოვედი და დასაძინებლად ვწვები, - ვუპასუხე მათ, - ხოლო ის, რაც დღეს მოხდა, კი არ უნდა იზეიმოთ, არამედ იგლოვოთ!“. ჩემი სიტყვების შემდეგ ტელეფონში სიცილი გავიგონე - ყურმილის მეორე მხარეს შეკრებილებმა ალბათ გადაწყვიტეს, რომ ვხუმრობდი, რადგან მათზე ადრე აღვნიშვნე, მაგრამ სხვა კომპანიაში... ახლახან ქუჩაში შემხვდა ერთ-ერთი იმ ყოფილთაგანი, დღეს - გაჭირვებული უმუშევარი: "რა მართალი იყავი მაშინ..." - გაიხსენა მან ის ეპიზოდი.

ვიხსენებ სხვა ფაქტებსაც, რომლებიც თვალთმაქცებს „დაავიწყდათ“. მაგალითად, რომ სააკაშვილს 2008 წლის აგვისტოში ომი იმპულსურად სულაც არ დაუწყია - გარდა ვაშინგტონთან მუდმივი კონსულტაციებისა, ამას წინ უძღოდა "როლური თამაშები" საკვანძო ფიგურებთან - ძალოვანებთან, უშიშროების საბჭოს წევრებთან და რწმუნებულებთან პრეზიდენტის კაბინეტში. ის ასევე განიხილავდა მოვლენების განვითარების შესაძლო ვარიანტები ბიძასთან - თემურ ალასანიასთან, რომელიც ბლეფობს, რომ პირდაპირი კონტაქტები აქვს მოსკოვსა და ვაშინგტონთან, ასევე ნათლიასთან თავისი პირმშოსი, რომელსაც შევარდნაძის საპატივსაცემულოდ ედუარდი დაარქვეს - უკრაინის პრეზიდენტ ვიქტორ იუშჩენკოსთან. სწორედ მაშინ იშვა სააკაშვილის ცნობილი გამოთქმა „ჟანგიანი რუსული ტანკების“ შესახებ, რომელიც ომამდე საქართველოს მოსახლეობას პრეზიდენტის ბაგეებიდან არაერთხელ სმენია! ასე ამზადებდა პიარშიკი სააკაშვილი საზოგადოებრივ აზრს რუსეთთან "გარდაუვალი ომისთვის".

ცხადია, რომ 8 აგვისტოს შემდეგ სააკაშვილი რუსულ ტანკებს „ჟანგიანს“ აღარ უწოდებდა - 2008 წლის შემდეგ ის რუსეთს „ჟიგულს“ადარებდა, დასავლეთს კი „მერსედესს“, აქაოდა, აირჩიეთო, ხალხო! მაშინ კი, პოსტ-ფაქტუმ თავისი ცნობილი ტელეგამოსვლის წინ - აქაოდა, გონს მოეგეთ და დაგვნებდით, ოსო სეპარატისტებო! - მან დაურეკა კიდეც პარლამენტის თავმჯდომარე ბურჯანაძეს, „ვნახოთ რას დამაკლებენ შენი რუსების ჟანგიანი ტანკები!”, - უთხრა მან ბურჯანაშვილს, რომელმაც, როგორც ამბობენ, მას მხარი არ დაუჭირა, მაგრამ ამას აღარ იხსენებს, რადგან თვალთმაქცი არასოდეს წვავს ყველა ხიდს. „ხორბლის პრინცესა“, რომელიც სააკაშვილის მარჯვენა ხელიდან რევოლუციურ სამეულში" სააკაშვილი-ჟვანია-ბურჯანაძე" - მის მტრად და "პრორუსად" გადაიქცა, ივანიშვილის ახალი ხელისუფლების მოსვლის შემდეგ, რომელსაც მისი ნიჭი და ნაცნობობა მოსკოვში არ სჭირდებოდა, კვლავ იოლად გახდა სააკაშვილის მხარდამჭერი. ბოლო ხანს ბურჯანაძე წინდახედულად გაყუჩდა უკრაინაში რუსეთის გამარჯვების შიშით. თუმცა, ამის შემდეგ, ნაკლებად სავარაუდოა, რომ მან კვლავ შეძლოს "ბელა ჩაოს" სიმღერა - მეტისმეტად ახალია გადმოცემა, უფრო სწორად - ღალატი ...

მეორე ფაქტი, რომ აგრესორმა სააკაშვილმა პირველმა დაარტყა ღამის ცხინვალს და გაანადგურა მშვიდობიანი მოსახლეობა, არის ევროპის საბჭოს 2008 წლის 2 ოქტომბერს 35-ე სესიაზე მიღებული 35-პუნქტიანი რეზოლუცია, რომელსაც ხელი მოაწერა ქართულმა დელეგაციამ - ანუ სააკაშვილის მარიონეტებმა. ამ რეზოლუციის მე-5 პუნქტში ნათქვამია, რომ „2008 წლის 7 აგვისტოს, საქართველოს სამხედრო ძალების მიერ ცხინვალის დაბომბვის გაუფრთხილებლად დაწყებით, ესკალაცია ახალ, კერძოდ ღია და სრულმასშტაბიანი საომარი მოქმედებების საფეხურზე გადავიდა. მძიმე არტილერიისა და კასეტური ბომბების გამოყენება, რამაც სერიოზული საფრთხე შეუქმნა სამოქალაქო მოსახლეობას, წარმოადგენდა სამხედრო ძალის არაპროპორციულ გამოყენებას საქართველოს მხრიდან, მიუხედავად იმისა, რომ აღნიშნული ხდებოდა მისი ტერიტორიის ფარგლებში და როგორც ასეთი, საერთაშორისო ჰუმანიტარული სამართლისა და საქართველოს მიერ აღებული ვალდებულების დარღვევას, კონფლიქტები გადაწყვიტოს მშვიდობიანი საშუალებებით“.

რატომ მოაწერა ხელი ქართულმა დელეგაციამ, ისევე როგორც მაშინდელმა, დიქტატორი სააკაშვილის მონებით დაკომპლექტებულმა საქართველოს მთელმა მთავრობამ ამ რეზოლუციას, რომელიც ჰაიდი ტალიავინის დასკვნასთან ერთად სამუდამოდ დარჩება ისტორიაში, როგორც ნაცისტური რეჟიმის განაჩენი, რომელმაც ჩაიდინა დანაშაული კაცობრიობის წინააღმდეგ? იმიტომ, რომ ასე ბრძანა სააკაშვილმა, რომელმაც ამაში დიდძალი ფული აიღო - ისევე, როგორც 2011 წლის ოქტომბრის ბოლოს მიიღო დიდი ფული და უბრძანა ქართულ დელეგაციას დათანხმებულიყო შვეიცარიის წინადადებაზე - ხმა მიცა მსოფლიო სავაჭრო ორგანიზაციაში რუსეთის ფედერაციის გაწევრებისთვის! ამიტომაც არ აღძრულა რუსეთში სისხლის სამართლის საქმე სააკაშვილის წინააღმდეგ, რომელმაც ა - აღიარა, რომ ომი 2008 წელს დაიწყო საქართველომ, რომელმაც გამოიყენა კასეტური ბომბები, ბ - გააღო მსოფლიო სავაჭრო ორგანიზაციის კარი რუსეთისთვის, რომელმაც მისი მეშვეობით საქართველოს ტერიტორიის 20% ოკუპაცია მოახდინა. ამასთან, მე შევესწარი, თუ როგორ გამოთქვამდა აღშფოთებას, უცხოური კონფერენციის ფარგლებში, ჰაიდი ტალიავინი ჩემს მეგობართან საუბრისას, რომ ცხინვალის რეგიონიდან ლტოლვილებისთვის სახლების ასაშენებლად ევროკავშირის მიერ გამოყოფილი 4 მილიონი ევრო სააკაშვილის ხელისუფლებამ ჩაიჯიბა!

უნებურად იბადება კითხვა: თუ საქართველომ ომი სააკაშვილის ბრძანებით დაიწყო, რა ლოგიკით ამბობს პრემიერი ღარიბაშვილი, რომ ამის თავიდან აცილება შეიძლებოდა?

ჯერ ერთი, ღარიბაშვილი სააკაშვილი არ არის და, გინდაც სიმართლე იცოდეს, არანაირი მილიონების გულისთვის საჯაროდ არ აღიარებს იმას, რაც საქართველოს იმიჯს დააზიანებს. მეორეც, ღარიბაშვილს მხედველობაში აქვს, რომ ომამდე სააკაშვილის მიერ წამოწყებული პროპაგანდის ნაცვლად, „კოკოითი - ფანტომასი და პიდარასტია“, საჭირო იყო არაფორმალური პირდაპირი დიალოგის დაწყება ოსებთან - შუამავლების და ჰალსტუხების გარეშე (რათა ისინი სააკაშვილი არ შეეჭამა!). მაგრამ ინგლისურად თავისუფლად მოლაყბე სააკაშვილი არასოდეს გადადგამდა ამ კაცურ ნაბიჯს, რადგან ის უბრალოდ ლაჩარია, რომელიც თავი „ნათლიად“ მოაქვს!