სამართალი
ვაზიანი-გომბორი-თელავის გზაზე მოძრაობა შეიზღუდება
საქართველო, 27 სექტემბერი, საქინფორმი. შიდასახელმწიფოებრივი მნიშვნელობის ვაზიანი–გომბორი–თელავის საავტომობილო გზის ერთ მონაკვეთზე 29 სექტემბრის დღის საათებში მოძრაობა შეიზღუდება, ნათქვამია საავტომობილო გზების დეპარტამენტის მიერ გავრცელებულ ინფორმაციაში.
უწყების ცნობით, გზის 27-60 კმ მონაკვეთზე (სოფელი სასადილო–სოფელი სიონის გადასახვევი) სარეაბილიტაციო სამუშაოები მიმდინარეობს, რისთვისაც დროის გარკვეულ პერიოდში საჭიროა ავტოტრანსპორტის მოძრაობის შეზღუდვა.
სარეაბილიტაციო სამუშაოების ჩასატარებლად 29 სექტემბრის 11:00 სთ-დან 18:00 სთ-მდე აღნიშნულ მონაკვეთზე იკრძალება ყველა სახის ავტოტრანსპორტის მოძრაობა. დღე-ღამის დანარჩენ პერიოდში ავტოტრანსპორტის მოძრაობა თავისუფალია.
წყარო - საავტომობილო გზების დეპარტამენტი
