როგორ დასრულდება ომი უკრაინაში? როგორ განვითარდება მომავალში ურთიერთობები რუსეთსა და აშშ-ს, რუსეთსა და სომხეთს, რუსეთსა და საქართველოს შორის? – ვკითხეთ ქართული საინფორმაციო-ანალიტიკური სააგენტო „საქინფორმი“-ს მთავარ რედაქტორს, უშიშროების, სტრატეგიული ანალიზისა და საინფორმაციო პოლიტიკის ცენტრის დირექტორს, არნო ხიდირბეგიშვილს.

- რატომ თქვა რუსეთის პრეზიდენტმა, რომ რუსეთი ამჯობინებს, აშშ-ის საპრეზიდენტო არჩევნებში მოქმედმა პრეზიდენტმა ჯო ბაიდენმა გაიმარჯვოს? ბაიდენმა, რომელიც უკრაინას დახმარებას უწევს უკვე მეორე ასეული მილიარდი დოლარით და ორჯერ შეურაცხმყოფლად მოიხსენია ვლადიმერ პუტინი?

- რუსეთი ორივე შემთხვევაში სარგებელს მიიღებს - როგორც ბაიდენის, ასევე ტრამპის გამარჯვების შემთხვევაში. თუ ბაიდენი გაიმარჯვებს, რუსეთისთვის უკეთესი იქნება, რადგან, როგორც პუტინმა თქვა, ის „ტრადიციული პოლიტიკური სკოლის წარმომადგენელია“. მაშასადამე, ქვეყნა „Hollywood“-ს პრეზიდენტისთვის დამახასიათებელი შოუს ელემენტების მიუხედავად, არ გადალახავს „წითელ ხაზს“ - არ დაიწყებს ომს რუსეთის წინააღმდეგ „USA ARMY“-ის ძალებით და არ გახსნის ბირთვულ ჩემოდანს რუსეთზე იერიშისთვის.

- მე არ ვიქნებოდი ასე დარწმუნებული ბაიდენის მოქმედებებში, ჟურნალისტებმა, მათ შორის ამერიკელებმა, განაცხადეს, რომ გასულ კვირას კონგრესში გამოსვლისას ბაიდენი აშკარად ამფეტამინის ზემოქმედების ქვეშ იყო - იმდენად ეკზალტირებული გახლდათ...

- მე ვუყურე აშშ-ის ვიცე-პრეზიდენტის, ჯო ბაიდენის გამოსვლას საქართველოს პარლამენტში იარუსის მარჯვენა ლოჟიდან, როდესაც 2009 წლის ივლისში კიევიდან თბილისში ჩამოფრინდა. აბსოლუტურად ისეთივე იყო, როგორიც ამერიკის პარლამენტში, სტილითაც და შინაარსითაც - ბაიდენის ენერგიულ ჟესტებსა და ტრიბუნიდან ძალიან ხმამაღალ შეძახილებს თითქოსდა უნდა გაეღვიძებინა ამ რიტუალით დაჰიპნოზებული ქართველი დეპუტატების სულში სინდისი და გამბედაობა, გამოსულიყვნენ რუსეთის - "დემოკრატიისა და მთელი ცივილიზებული სამყაროს მარადიული მტრის" წინააღმდეგ. ბაიდენის სფიჩის ამ წმინდა ამერიკულმა ორატორულმა სტილმა, „ტრადიციული პოლიტიკური სკოლის წარმომადგენლის“ უნაკლო გარეგნობასთან ერთად, მაშინ ისე მოაჯადოვა სააკაშვილის პოლიტიკური ელიტა - უგემოვნოდ ჩაცმული და ენაბრგვილი, მთელი ეს პროვინციელები მერაბიშვილი, კეზერაბაშვილი, ახალაია, თარგამაძე და სხვები, რომ დასწრებაზე აცხადებდნენ - "ბაიდენში ამერიკული დემოკრატიის ერთ-ერთი მამა დავინახეთო!". ფანტასტიკურ ვახშამზე, რომელიც სააკაშვილმა მის პატივსაცემად ავლაბრის სასახლეში გამართა, ბაიდენმა ასევე მოხიბლა გიჟული ალასანია და მიშას ურჩია, „დედას დაუჯეროს“, რადგან თავად „აქამდე ასე იქცევა“, ხოლო გიჟულის განუცხადა: "იზრუნეთ თქვენს ვაჟზე, რადგან ის ძალიან გვჭირდება და ჩვენთვის ძალიან მნიშვნელოვანი ადამიანია!"

   ბაიდენი სასურველია პუტინის რუსეთისთვის იმიტომაც, რომ ის არის ავადმყოფობისგან დასუსტებული ბებერია, რომელიც მიიღებს პროგნოზირებად გადაწყვეტილებებს, რომლებიც საზიანო იქნება რუსეთის მოწინააღმდეგეებისთვის - თავად აშშ-ისა და ევროკავშირის ქვეყნებისთვის, აუცილებლად დარტყმას მიაყენებს მათ ეკონომიკებს.

   ხოლო თუ გაიმარჯვებს დონალდ ტრამპი, რომელიც არჩევნებიდან არჩევნებამდე სასამართლოდან არ გამოსულა, როგორც ეჭვმიტანილი რუსეთისგან მხარდაჭერის მიღებაში, რომლის წყალობითაც ის, თითქოსდა, აშშ-ის 45-ე პრეზიდენტი გახდა, ამჯერად არავინ დაეჭვდება და რუსეთს ამაში არავინ დაადანაშაულებს. პირიქით, ყველა გაიხსენებს პუტინის სიტყვებს, რომელიც ღიად აცხადებდა, რომ „ბაიდენი რუსეთისთვის უფრო სასურველია“. ბაიდენის მმართველობისას რუსეთ-ამერიკის ურთიერთობები სტაბილურად ცუდი იქნება, ტრამპის დროს კი მოსალოდნელია სიურპრიზები, მათ შორის - რუსეთისთვის არასასიამოვნო - სწორედ პრეზიდენტმა ტრამპმა შემოიღო რუსეთის წინააღმდეგ მასობრივი სანქციების დაწესების ტრადიცია! სამაგიეროდ, პრეზიდენტი ტრამპის დროს არსებობს რუსეთსა და აშშ-ს შორის ურთიერთობების დარეგულირების შანსი, შოუმენი ტრამპი ხომ ერთ-ერთია მათგან, ვისაც სურს გააოცოს მსოფლიო და ამ მიზნით შეუძლია მიიღოს ყველაზე არაორდინარული გადაწყვეტილებები.

- როდის შეიცვლება ურთიერთობები რუსეთსა და საქართველოს შორის და რაზეა ეს დამოკიდებული? გასული წლის დეკემბერში „Sputnik Georgia“-ში გამართულ პრესკონფერენციაზე თქვენ პირველმა განაცხადეთ, რომ კარასინ-აბაშიძის პრაღის კონსულტაციები დასრულდა, ამიერკავკასიაში უსაფრთხოებისა და სტაბილურობის შესახებ ჟენევის საერთაშორისო დისკუსიებმა კი ამჟამინდელ ფორმატში საკუთარი თავი ამოწურა. თქვენს პროგნოზს არავინ დაუჭირა მხარი, მაგრამ ის გამართლდა - ჟენევის დისკუსიები ლოკაციას იცვლის მინსკზე ან, დიდი ალბათობით, ბაქოზე, ხოლო პრაღის კონსულტაციებში ქართული მხარისგან მომლაპარაკებელი შეიცვალა.

- პრაღის კონსულტაციებში, სავარაუდოდ, რუსი მომლაპარაკებელიც შეიცვლება, რუსეთს, ბატონი კარასინის ნაცვლად, სხვა დიპლომატი წარადგენს, მაგალითად, რუსეთის ფედერაციის საგარეო საქმეთა მინისტრის მოადგილე ანდრეი რუდენკო. საქართველოსა და რუსეთს შორის დიპლომატიური ურთიერთობები აღდგება უკრაინაში სპეცოპერაციის დასრულების შემდეგ, რომელიც დასრულდება როგორც კი აშშ და, მის კვალდაკვალ, ნატოს წევრი ევროპული ქვეყნები შეწყვეტენ კიევის რეჟიმისთვის იარაღის მიწოდებას. დღეს რომის პაპსაც კი არ ეპარება ეჭვი, რომ რუსეთის გამარჯვება გარდაუვალია, ამიტომ ომის ყოველი დღე ორივე მხარიდან სლავების უაზრო სიკვდილია, რისთვისაც ნარკოდამოკიდებული ზელენსკი და მისი ხელქვეითები დაისჯებიან, თუკი იმ დროისთვის ისინი ჯერ კიდევ ეყოლება.

კაპიტულაციის აქტს ხელს მოაწერს ქართველი დავით არახამია, რომელსაც პუტინმა შეუქმნა „პატიოსანი კაცის“ იმიჯი, ხოლო უკრაინის ახალ ხელისუფლებაში ვიხილავთ გონს მოსულ ბევრ „ძველ სახეს“, მაგალითად, არესტოვიჩს. რუსეთი, რა თქმა უნდა, შეინარჩუნებს ყირიმს, დონეცკისა და ლუგანსკის სახალხო რესპუბლიკებს, ზაპოროჟიეს და ხერსონის ოლქებს, უკრაინის ტერიტორიაზე გაიმართება არჩევნები. უკრაინის მართლმადიდებლური ეკლესია აღდგება უკრაინის მთელ ტერიტორიაზე, მას დაუბრუნებენ კიევ-პეჩერის ლავრას და კონსტანტინეპოლის პატრიარქი ბართლომე, რომელსაც უკვე ორი წელია წყალი აქვს პირში ჩაგუბებული - ხომ არ დაიწყებს იგი უდანაშაულო ადამიანების დაღუპვის გამართლებას! - გაიწვევს თავის ყალბ, პოროშენკოსთვის 20 მილიონ დოლარად მიყიდულ „ავტოკეფალიის ტომოსს“.

   უკრაინის ომის დასრულებამდე „ქართული ოცნების“ ხელისუფლება რუსეთთან დიპლომატიური ურთიერთობების აღდგენას ვერ გაბედავს - ოფიციალური თბილისი ელოდება - ვინ გაიმარჯვებს და მოიქცევა შესაბამისად, მანამდე კი რისკზე წასვლას არ აპირებს. საქართველოს ხელისუფლების გარდა, ამ საკითხს არავინ მოაგვარებს - სსრკ-ს შემდეგ 33 წლის განმავლობაში, დასავლური პროპაგანდისა და ადგილობრივი უცხოელი აგენტების წყალობით, საქართველოსა და რუსეთს შორის დიდი უფსკრული გაჩნდა, რომელიც ვერ ამოივსება ნოსტალგიით, სახალხო დიპლომატიით, ჰუმანიტარული დახმარებითა და ვაჭრობითაც კი, საქმეს მარტო ხიდის აშენება უშველის. და არ აქვს მნიშვნელობა - სად გაიმართება დისკუსიები და ვინ წარადგენს საქართველოს სხვადასხვა ფორმატში, რადგან საქართველოში დარჩა დიდი სამამულო ომის რამდენიმე ვეტერანი, უფროსი თაობის ადამიანები, რომლებიც მოესწრნენ ხალხთა მეგობრობას, მიდიან, ახალგაზრდები კი ცრემლებს არ დაღვრიან ყოფილი ერთიანობის, მდიდარი კულტურული ტრადიციებისა და მართლმადიდებლობის გამო, რადგან ამის შესახებ არაფერი იციან და ვერანაირი ღონისძიებები ამის კომპენსირებას ვერ მოახდენს. ცალკეული ბიზნესმენებიც კი, რომლებიც მდიდრდებიან თავიანთი პროდუქციის რუსეთში ექსპორტით, საჯაროდ მას მას ოკუპანტად აღიარებენ. საქართველოში არ არსებობს პოლიტიკური ძალა, რომელსაც ჰყავს ელექტორატი და ემხრობა პარტნიორობას რუსეთთან, რომელმაც ხელიდან გაუშვა დრო და შესაძლებლობები. ახლა ყველაფერი დამოკიდებულია მხოლოდ გარემოებებზე, როგორიც არის რუსეთის გამარჯვება უკრაინაში, ევროპელი პარტნიორების უტიფრობა და თავხედობა და კულტურული რუსი მოქალაქეები საქართველოში, რომლებიც ქართველების თვალებს ახარებენ აღმოსავლეთიდან და აზიიდან ბნელი მიგრანტების შემდეგ.

- რა ელის სომხეთს, ნუთუ მან საბოლოოდ გაწყვიტა კავშირი რუსეთთან და იქცა პაიკად დიდი ბრიტანეთის ხელში, როგორც თქვენ დაწვრილებით აღწერეთ ამასწინანდელ პუბლიკაციებში?

- რა თქმა უნდა, არა. სომხეთი დღეს გადის იმ ეტაპს, რომელიც საქართველომ 2003-2012 წლებში გაიარა. პრემიერი ფაშინიანი პრეზიდენტი სააკაშვილის კლონია და მათი ამოცანებიც ანალოგიურია - რუსული ბაზების გაყვანა მიწების გასხვისების მიზნით. მარტო ყარაბაღს არ ვგულისხმობ, სიუნიქის ოლქს ვგულისხმობ. ახლა ის რუსეთთან ვაჭრობს - აქაოდა, გვაჩვენე კოლექტიური უსაფრთხოების შესახებ ხელშეკრულების პასუხისმგებლობის არეალი, თორემ სომხეთი დასავლეთში წავა! მაგრამ ფაშინიანმა თავისი შანტაჟით ცოტა გადააჭარბა, დაავიწყდა რა, რომ სომხეთი არ არის ბელარუსი ან საქართველო, ხოლო ყარაბაღი და სიუნიკი არ არის აფხაზეთი და სამაჩაბლო. ეს არის ანგლოსექსების სტილი, რომ გაამარტივონ ყველაფერი, რადგან ვერასოდეს გაიგებენ რა არის კავკასია და არც აპირებენ ამით თავის შეწუხებას.

დიდ ბრიტანეთს, რომელიც განიცდის ღრმა კრიზისსა და სასმელი წყლის კრიტიკულ დეფიციტს, ვიმეორებ, სურს რუსეთი წაკიდოს საქართველოს, სომხეთი - აზერბაიჯანსა და თურქეთს, აზერბაიჯანი კი რუსეთს, რათა თავად გადარჩეს, მაგრამ ეს ნომერი ანგლოსაქსებს არ გაუვათ და ფაშინიანი ისევე ცუდად დაასრულებს, როგორც სააკაშვილი. საქართველოს გავლით რკინიგზით ფრანგული "მისტრალების" და "ბასტიონების", ხოლო სამომავლოდ - ფრანგული უცხოური ლეგიონის ჯარისკაცების მიღება, როცა საკუთარ ტერიტორიაზე ოთხი რუსული ბაზა და სატანკო პოლიგონი გაქვს, არ გამოვა. (მთლიანობაში - 8 ათასი რუსი სამხედრო, ФСБ-ს სასაზღვრო ჯარების 4 ათასი სამხედრო მოსამსახურე და რუსეთის შეიარაღებული ძალების 4 ათასი სამხედრო მოსამსახურე).

და კიდევ, დიდი ბრიტანეთი, რომელიც გასულ კვირას სომხეთს რუსეთისგან დაცვას დაჰპირდა, ძალიან ცდება, როცა თვლის, რომ „BP“-ს მილსადენებით სამუდამოდ მიიჯაჭვა აზერბაიჯანი და თურქეთი...

ესაუბრა მაია ჯავახიშვილმა

2024 წლის 13 მარტი
საქართველო, თბილისი