უცხოეთი
Bloomberg - ნატო უკრაინისთვის 100 მილიარდი აშშ დოლარის ოდენობის ფონდის შექმნის იდეით გამოდის
საქართველო, 4 აპრილი, საქინფორმი. ნატო უკრაინისთვის 100 მილიარდი აშშ დოლარის ოდენობის ფონდის შექმნის იდეით გამოდის. ამის შესახებ ინფორმაციას გამოცემა Bloomberg-ი საკუთარ წყაროებზე დაყრდნობით წერს.
გამოცემის ინფორმაციით, ჩრდილოატლანტიკური ალიანსის გენერალური მდივანი, იენს სტოლტენბერგი ფონდის შექმნის იდეით გამოვიდა, რომელშიც 5 წლის მანძილზე წევრი სახელმწიფოები ჯამში 100 მილიარდი დოლარის ოდენობის შენატანებს განახორციელებენ.
გამოცემის წყაროს ცნობით, ალიანსის წევრები ჯერ კიდევ განიხილავენ სტოლტენბერგის იდეას და შენატანების გადანაწილების მექანიზმს.
წყაროები აღნიშნავენ, რომ წინადადება, დიდი ალბათობით, შეიცვლება იქამდე, სანამ მოკავშირეები შეთანხმებას მიაღწევენ.
პაკეტის ნაწილად, ნატო-მ ასევე შეიძლება თავის თავზე აიღოს უკრაინის თავდაცვის საკითხებზე საკონტაქტო ჯგუფის (“რამშტაინის” ფორმატი) ოპერატიული ვალდებულებები, რომელსაც აშშ ხელმძღვანელობს და რომელიც კიევისთვის იარაღის მიწოდებების კოორდინაციას ახდენს.
ნატო-სა და თეთრ სახლს აღნიშნულ საკითხზე კომენტარები არ გაუკეთებიათ.
interpressnews.ge
