პოლიტიკა
სომხეთის ბედი გილაურის ხელში?!

11gazsadeniსაქართველოს მთავრობის გადაწყვეტილებამ, რომელიც  სახელმწიფო საკუთრებაში არსებული მსხვილი კომპანიების აქციების პაკეტის საერთაშორისო საფონდო ბირჟებზე გატანას ითვალისწინებს, სომხურ მედიაში შეშფოთება გამოიწვია.

სომხური გამოცემები ამტკიცებენ, რომ გაზსადენი, რომელიც საქართველოს გავლით რუსეთსა და სომხეთს აკავშირებს, შესაძლოა, აზერბაიჯანულმა კომპანიებმა შეისყიდონ. ამ შემთხვევაში კი გამორიცხული არ არის, რომ სომხეთს გაზმომარაგების პრობლემა შეექმნას.

ცნობისთვის: პრემიერ-მინისტრ გილაურის განცხადებით, სახელმწიფო კომპანიებს აქამდე საერთაშორისო ბირჟებზე სააქციო პაკეტების განთავსების შესაძლებლობას კანონმდებლობა არ აძლევდა. შესაბამის საკანონმდებლო ცვლილებებზე მუშაობა კი უკვე მიმდინარეობს და საქართველოს ხელისუფლება ლონდონისა და ნიუ იორკის  ბირჟებზე საქართველოს ნავთობისა და გაზის კორპორაციის აქციათა 25 პროცენტს გაიტანს. ნავთობისა და გაზის კორპორაციის კუთვნილებაშია მაგისტრალური გაზსადენი.

ნავთობისა და გაზის კორპორაციის გარდა, სახელმწიფო საერთაშორისო ბირჟებზე რკინიგზის აქციების განთავსებასაც გეგმავს.

 

საქინფორმი