აქტუალური
თავისუფალი ვაჭრობის შეთანხმებაზე მოლაპარაკებები ევროკავშირთან წლის ბოლომდე დაიწყება

salome_samadashviliთბილისი, 13 სექტემბერი, საქინფორმი. "წლის ბოლომდე საქართველო გახსნის მოლაპარაკებებს“ ღრმა და ყოვლისმომცველი თავისუფალი ვაჭრობის შეთანხმების შესახებ ევროკავშირთან, - განაცხადა საქართველოს ელჩმა ევროკავშირში სალომე სამადაშვილმა.

ეს იქნება ძალზედ მნიშვნელოვანი ნაბიჯი და შესაბამისად, ჩვენ ვფიქრობთ, რომ წლის ბოლომდე ძირითადი მიღწევა - ეს იქნება თავისუფალი ვაჭრობის შესახებ ხელშეკრულებაზე მოლაპარაკებების დაწყება“, – განუცხადა მან ჟურნალისტებს თბილისში მიმდინარე ამბასადორიალის ფარგლებში.

ხოლო მომავალი წლისთვის, ჩვენი მთავარი მიზანი არის უვიზო მიმოსვლის შესახებ დიალოგის დაწყება ევროკავშირთან“, – აღნიშნა მან.

საქართველოსა და ევროკავშირს შორის სავიზო შეთანხმება, რომელმაც გარკვეული კატეგორიის საქართველოს მოქალაქეებისთვის ვიზის მიღების პროცედურა გაამარტივა, ძალაში 2011 წლის მარტში შევიდა რეადმისიის შესახებ შეთანხმების ამოქმედებასთან ერთად.