საზოგადოება
საქსტატი: ევროკავშირის მეთოდოლოგიით ოქტომბერში ინფლაციამ 5,7% შეადგინა

 საქართველო, 18 ნოემბერი, საქინფორმი. საქართველოს სტატისტიკის ეროვნული სამსახურის (საქსტატის) მონაცემებით, 2026 წლის ოქტომბერში სამომხმარებლო ფასების ჰარმონიზებული ინდექსის (HICP) საფუძველზე გაანგარიშებულმა ინფლაციამ 5,7% შეადგინა, რაც 0,2 პროცენტული პუნქტით დაბალია ეროვნული მეთოდოლოგიით გაანგარიშებულ 5,9%-იან ინფლაციის მაჩვენებელზე.

რაც შეეხება ცალკეულ კომპონენტებს, ევროკავშირის HICP მეთოდოლოგიის მიხედვით, 2025 წლის შესაბამის პერიოდთან შედარებით ფასების წლიური ცვლილება შემდეგნაირად განაწილდა:

სურსათი და უალკოჰოლო სასმელები – 2,7%;

ალკოჰოლური სასმელები და თამბაქოს ნაწარმი – 4,9%;

ტანსაცმელი და ფეხსაცმელი – -0,4%;

საცხოვრებელი, წყალი, ელექტროენერგია, აირი და სხვა სახის სათბობი – 10,2%;

ავეჯი, საოჯახო ნივთები და ინტერიერის საგნები, სახლის მოვლა და შეკეთება – 1,1%;

ჯანმრთელობის დაცვა – 8,2%;

ტრანსპორტი – 21,5%;

ინფორმაცია და კომუნიკაცია – -2,6%;

დასვენება, სპორტი და კულტურა – 5,9%;

განათლება – -9,2%;

რესტორნებისა და სასტუმროების მომსახურება – 6,0%;

სადაზღვევო და საფინანსო მომსახურება – 4,8%;

პირადი ჰიგიენა, სოციალური დაცვა და სხვადასხვა საქონელი – 9,7%.

საქსტატმა ახალი მაჩვენებლის – სამომხმარებლო ფასების ჰარმონიზებული ინდექსის გამოქვეყნება 2022 წელს დაიწყო.