აქტუალური
ბიზნესგარემოს ახალი კვლევის შედეგების პრეზენტაცია
თბილისი, 20 აპრილი, საქინფორმი. IFC – საერთაშორისო საფინანსო კორპორაცია, დღეს ახალი კვლევის პრეზენტაციას მართავს. როგორც „IFC“-დან იტყობინებიან, კვლევა საქართველოში ბიზნესის სფეროში ბოლო პერიოდში განხორციელებული რეფორმების მიმართ მეწარმეთა დამოკიდებულებას ასახავს. კვლევა მიზნად ისახავს პრობლემური საკითხების გამოვლენასაც, რათა მათი გადაწყვეტის გზით საქართველოში ბიზნესგარემო გაუმჯობესდეს.
კვლევის პრეზენტაციას ესწრებიან შემოსავლების სამსახურის უფროსი ჯაბა ებანოიძე, „IFC“-ის რეგიონული მენეჯერი სამხრეთ კავკასიაში თომას ლუბეკი და „IFC“-ის საინვესტიციო გარემოს გაუმჯობესების პროგრამის მენეჯერი ევროპასა და ცენტრალურ აზიაში ლიზა კესნერი.
„IFC“-ის საგადასახადო პროექტმა საქართველოში 2012 წლის იანვარ-თებერვალში 1000-ზე მეტი მეწარმე გამოკითხა.
„IFC“-ის საგადასახადო პროექტი საქართველოში ავსტრიისა და ლუქსემბურგის მთავრობების და ნიდერლანდების საგარეო საქმეთა სამინისტროს ფინანსური მხარდაჭერით ხორციელდება.
